“ Ўзбекистоннинг тарақҚиёт стратегияси: фуқоролик жамияти ” фанидан

Ёшлар барча даврларда жамиятнинг фаол қатлами сифатида эътироф этиб келинган. Мунтазам шаклланиб борувчи бу қатлам доимий йўналтириб ва қўллаб-қувватлаб туришни талаб этади. Ислоҳотлар жараёнида кенг миқёсли ижтимоий, сиёсий, маънавий ва аҳлоқий вазифаларни амалга ошириш учун давлат комплекс чора-тадбирлар тизимини ишлаб чиқмоқда.
Давлат томонидан ёшларнинг халқ манфаатлари йўлида эркин ижтимоийлашуви ва жамиятда ўзини тўлақонли шахс сифатида намоён этиши учун мақбул шароит ва имконият яратиш борасида амалга оширилаётган чора-тадбирлар тизими ёшларга оид давлат сиёсатининг бутун кўламини белгилайди. Моҳиятан давлатни ижтимоий-иқтисодий, маданий ривожлантириш, рақобатбардошлигини таъминлаш, миллий хавфсизлигини мустаҳкамлашни кўзда тутувчи бу сиёсат мустаҳкам дастурий, ташкилий, сиёсий ва иқтисодий механизмларга таянади.
Ёш фуқароларнинг ижтимоийлашуви, ҳуқуқ ва эркинликларининг кафолатланиши, жамиятда ўз ўрнини топиши учун ўзини масъул деб билган ҳар бир давлат ёшлар ҳаётига ёшларга оид сиёсати билан таъсир ўтказади. Ёшларни ижтимоий тўғри йўналтириш, уларга ҳаётда ўз ўрнини топишлари учун моддий ва маънавий шароит яратиб бериш асносида давлат ва ёшлар ўртасидаги муносабатлар мустаҳкамланиб боради ва бу, ўз навбатида, бевосита ёшларнинг умумэътироф этилган ҳуқуқ ва бурчларга риоя қилиш масъулиятини ҳам оширади. Буни Президент Ш.Мирзиёев томонидан ишлаб чиқилган Ҳаракатлар Стратегиясида ва унинг амалий фаолиятида яққол кўришимиз мумкин.
«Ёшларга оид давлат сиёсати тўғрисида»ги Ўзбекистон Республикаси Қонунининг 33 моддасидан 15 таси ёшларга оид давлат сиёсатини рўёбга чиқаришни амалга оширувчи ҳамда унда иштирок этувчи мутасадди органларга ва муассасалар, фуқаролик жамияти институтларига бағишланган.
Албатта, ушбу орган ва муассасаларнинг қонунда қатъий белгиланиши бошқа субъектлар бу жараёнда иштирок этмайди, деган хулосага олиб келмаслиги керак. Қонуннинг 9-моддасига кўра, ёшларга оид давлат сиёсатини рўёбга чиқаришда жамиятнинг барча соҳаларига дахлдор бўлган барча органлар, муассасалар ҳам қонун ҳужжатларига мувофиқ иштирок этиши мумкин.
Ана шундан келиб чиқиб ҳамма ташкилот ва муасасалар ваколатларида ёшларга оид давлат сиёсати соҳасидаги давлат дастурларини, ҳудудий ва бошқа дастурларни ишлаб чиқиш ҳамда амалга оширишда иштирок этиш, ёшларга оид давлат сиёсатини рўёбга чиқаришда иштирок этувчи бошқа органлар ва муассасалар билан ҳамкорлик қилиш белгиланган.
Қонуннинг энг муҳим нормаларидан яна бири, бу – ёшларга оид давлат сиёсатини амалга оширишда маҳаллалар, нодавлат нотижорат ташкилотлари, оммавий ахборот воситаларининг ўрни аниқ белгилаб қўйилганидадир. Айниқса, мазкур тўзилмалар ҳуқуқларида ёшларга оид давлат сиёсати соҳасидаги қонун ҳужжатларининг ижро этилиши, давлат дастурларининг ва ҳудудий дастурларнинг рўёбга чиқарилиши устидан жамоатчилик назоратини амалга ошириш белгилангани муҳим аҳамият касб этади.
“Ёшларга оид давлат сиёсати тўғрисида”ги Ўзбекистон Республикасининг қонунида ёшларнинг ҳуқуқий ва ижтимоий ҳимоясига алоҳида урғу қаратилиб, ёш фуқароларнинг ҳуқуқлари ва эркинликлари қонунда белгиланган ҳоллардан ташқари чекланиши қатъий ман этилади. Яъни, қонуности ҳужжати билан ёшларнинг ҳуқуқ ва эркинликлари чекланиши мумкин эмас. Қонунда ёшлар фаолиятини тартибга солиш ва уларнинг ижтимоий фаоллигини оширишга қаратилган бир қатор имтиёзлар берилган. Жумладан: