|
Tezkor savollar
1. Yuklаnuvchi diskеtа qаndаy yarаtilаdi?
2. Yuklаnuvchi disk qаndаy yarаtilаdi?
3. Yuklаnuvchi disk vа diskеtаlаr nimа uchun kеrаk?
4. Yuklаnuvchi disk vа diskеtаlаr qаndаy yuklаtilаdi?
5. Yuklаnuvchi disk yarаtish uchun nimаlаr zurur?
6. Diskning qаndаy turlаri mаvjud?
8-Mavzu: Operativ xotira qurilmasi
Reja
Operativ xotirani o‘rnatish
Operativ xotira turlari
DDR SDRAM.
RDRAM.
Tayanch so’z va iboralar: TXQ Ona plata, Operativ xotira SDRAM. SDRAMM DIMM modullar, DDR SDRAM
Operativ xotira yoki TXQ(Tezkor Xotira Qurilmasi, RAM)- kompyuter protsessori uchun ish sohasi hisoblanadi. Unda ishlash vaqtida dasturlar va ma’lumotlar saqlanadi. Operativ xotira ma’lumotlarni vaqtinchalik saqlab turuvchi ombor desa ham bo‘ladi, chunki ma’lumotlar va dasturlar unda kompyuterlar yoqilganidan so‘ng biror bir fayl ochilsa to u qaytadan saqlangunicha operativ xotirada saqlangunicha saqlanadi. Har doim kompyuterni o‘chirishdan oldin, ma’lumotlarni saqlash lozim. Odatda ular qattiq diskda saqlanadi. Demak ma’lumotlarni operativ xotirada saqlash mumkin emas. Agarda o‘zgartirilgan fayl saqlanmasa, u xolda uning oldingi nusxasi qattiq diskda saqlanadi.
Kompyuteringizga yangi operativ xotira olmoqchi bo‘lsangiz albatta ona platangiz konfiguratsiyasiga e’tibor bering. Operativ xotirani tanlab sotib olganingizdan so‘ng, uni o‘rnatish unchalik qiyinchilik tug‘dirmaydi. Lekin judayam ehtiyotkorona harakat qilishni talab etadi.
Albatta birinchi navbatda tizim blokini yotqizib olish lozim. Operativ xotirada maxsus ulanish joyi va ularni ajratib turuvchi tirqish mavjud. Ona platada esa unga mos ulanish joyi mavjud. Albatta siz operativ platani sotib olayotganda ona platangiz konfiguratsuyasini e’tiborga olishiniz shart. Uning o‘rnatilish 8.1,8.2,8.3- rasmlarda tasvirlangan. Rasmdagi strelkalar uning tirqishi va kalitini ko‘rsatib turibdi.
8.1-rasm. TXQ platasi.
8.2-rasmda ko‘rsatilganidek, xotirani qo‘yishdan oldin ona plata slotlarini ochish zarur. Xotira platasini ona plata slotlariga shunday olib boringki, ularni tirqishi va kalitlari bir-biriga mos kelsin. Xotirani ehtiyotkorlik bilan yaxshilab joylashtirish kerak. Bunda xotirani ikki chitidan bosh barmoq bilan bosish talab etiladi(13.4-rasm).
8.2-rasm. TXQ uchun ona platadagi slot.
8.3-rasm. Ona plata va unga quyiladigan xotira platasi.
8.4rasm. Xotira platasini slotga o‘rnatish.
Xotirani tik holda tutib, uni ona plataga 90 gradus burchak ostida ikki tomondan bir xil kuch bilan bosish lozim. Agarda operativ xotira joyiga o‘rnatilgan bo‘lsa, slotdagi operativ xotirani ikki tomondan mahkamlab turuvchi qisqichni o‘rnating. Slotlarga o‘rnatilgan xotira moduli 13.5-rasmda ko‘rsatilgan.
Endi kompyuter tizim bloki korpusini yig‘sa bo‘ladi. Tizim blokini tik qilib qo‘ying va uni o‘z vintlari bilan mahkamlang. Barcha ulanishlarni tiklang va kompyuterni yoqing. Kompyuterdagi Biosni turiga qarab, yuklanish jarayonida kompyuterni o‘zi xotirani tekshiradi yoki o‘rnatilgan operativ xotiraning konfiguratsiyasini o‘rnatishni taklif etadi.
Siz o‘zingizni kompyuteringizdagi operativ xotira tezligini oshirmoqchi bo‘lsangiz, bemalol unga yana qo‘shimcha ravishda operativ xotira o‘rnatishingiz mumkin.
8.5-rasm.
Agarda qo‘shimcha xotirani o‘rnatmoqchi bo‘lsanfiz, albatta kompyuteringizdagi ona platani konfiguratsiyasini o‘rganib chiqish zarur. Shuningdek, siz kompyuteringizda qanday xotira moduli o‘rnatilgan va bu xotira bilan yana qanday oparativ xotira modullari ishlashi mumkinligini aniqlab olish zarur. Operativ xotira modullari bilan ishlayotganda juda ham ehtiyot bo‘lish kerak, chunki operativ xotiraga statik elektr toklari shikast yetkazishi mumkin. Masalan, kiyimingizni sintetik yoki ipak matodan bo‘lishi, unga zarar yetkazishi mumkin.
Sizga asboblardan buragich kerak bo‘ladi. Birinchi navbatda kompyuterni o‘chiring. Tizim blokiga elektr tarmog‘idan keladigan barcha kabellarni uzing. Korpus orqa tarafidagi vintlarni yeching va korpus panelini ehtiyotlik bilan olib qo‘ying.
Qolgan ishlar xuddi yuqorida oparativ xotirani o‘natganimizdek bajariladi.
Do'stlaringiz bilan baham: |
