Variant 1 a bo‘lim Talaba xohlagan ikkita mantiqiy savolga javob yozishi shart

VARIANT 1
A bo‘lim
Talaba xohlagan IKKITA mantiqiy savolga javob yozishi shart.

1. 
   Rasmiy tanishuv chogʻida ishlatiladigan nutqiy qoliplarga misol keltiring.
   

Shuningdek, rasmiy muloqotning yozilgan va yozilmagan qoidalari mavjud. Bu qoidalar majmui rasmiy etika deyiladi. Rasmiy etika tarkibiga salomlashish, o‘zini va hamrohini tanishtirish, taqdimot jarayonida o‘zini qanday tutish, belgilangan vaqtda ma’ruzani tamomlash, murojaatchini qabul qilish, mutasaddi shaxsning qabulida o‘zini tutish odobi, tashrif qog‘ozidan foydalanish, rasmiy yozishmalarni amalga oshirish, ish yuzasidan esdalik sovg‘alarini qanday berish va qabul qilish qoidalari kabilar kiradi. Rasmiy etikada shaxslarning tashqi ko‘rinishi, kiyinishi, suhbatlashish uslubi, salbiy va ijobiy hissiyotlarni boshqarish qobiliyatiga alohida e’tibor beriladi. Masalan, rasmiy uchrashuvga sayrga mo‘ljallangan yoxud sport kiyimida kelish muloqotga yuzaki yondashganlikni bildirsa, o‘zidan yosh va maqomi jihatidan katta odam oldida baralla kulish, baland yoki eshitilmaydigan darajada past ovozda gapirish bepisandlik sifatida baholanadi. Rasmiy etika qoidalarini yaxshi biluvchi kishi o‘ziga hamisha ishonib harakatlanadi, noqulay vaziyatga tushmaydi, atrofdagilarning muhokamasiga sabab bo‘lmaydi. Rasmiy muloqotda o‘ylanmagan yoki bahstalab fikrlar ishlatilishi, jargon, argo, shevaga oid so‘zlar, professionalizmlar qo‘llanishiga yo‘l qo‘yilmaydi. Muloqot doirasida qo‘llanayotgan tilga oid bilimlar (so‘z va qo‘shimchalarni to‘g‘ri qo‘llash, til boyligiga hurmat bilan yondashish)ga egalik ham rasmiy etika talablaridandir. Rasmiy etika, shuningdek, muayyan muloqot jarayonida belgilangan nutqiy qoliplardan foydalanishni talab etadi.
Quyida tanishuv jarayoniga oid ifodalar bilan tanishamiz:
O‘zimni tanishtirishga ijozat bersangiz/Ruxsatingiz bilan o‘zimni tanishtirsam... Hamrohim bilan tanishtirishga ijozat bersangiz...
Marhamat, tanishing, bu kishi...
Juda yaxshi/ma’qul. Tanishganimdan xursandman/baxtiyorman.
Uzoq vaqtdan beri siz bilan tanishish/ko‘rishishni orzu qilardim/kutardim. Yuzingiz juda tanish, menimcha, avval ham uchrashganmiz.