Variant 1 a bo‘lim Talaba xohlagan ikkita mantiqiy savolga javob yozishi shart

Talaba xohlagan BITTA kazusga javob yozishi shart.


1. IIO xodimlari har doim aholi ko‘z o‘ngida ekanligini hamda Ichki ishlar organlarining obro‘si uning xulq-atvori va xatti-harakatlariga bevosita bog‘liq ekanligi hamda odob-axloqining asosiy talablaridan biri fuqarolar bilan muloqotda xushmuomala bo‘lishi zarurligi sohaga doir normativ-huquqiy hujjatlarda mustahkamlab qo‘yilgan. Ushbu talab ijrosi bugungi kunda qay darajada deb o‘ylaysiz? Virtual jamoatchilikning keng muhokamalariga sabab bo‘lgan voqealar asosida fikringizni bayon eting.
2. Ijtimoiy tarmoqlarda HMQO xodimlari ishtirokidagi videolar ko‘p tarqalishi hech kimga sir emas. Ulardan aynan to‘g‘ri talaffuz qoidalariga amal qilinmagan holatlarni misol tariqasida keltirib tahlil qiling.

Nutq tinglovchilarga ta’sir ko‘rsata olishi uchun aniq, mantiqiy, obrazli bo‘lishi, so‘zlovchi esa chiroyli nutqqa ega bo‘lishi shart. Notiq o‘z nutqida e’tibor qaratishi kerak bo‘lgan eng muhim narsalardan biri tovushlarning to‘g‘ri talaffuz qilinishidir. Misol qilib oladigan bo’lsak, sud nutqining butun tarkibi tovushlar orqali uzatiladi. Bir xil balandlikda aytilgan ayni bir fikr tovushlar orasidagi nozik farqlar bilangina chiroyli ifodalanishi mumkin. Ayrim tovushlar noaniq talaffuz qilingan, tushunarsiz nutqni tinglash juda qiyin va u so‘zlarning ma’nosini buzadi. Bunga etika talablarining buzilishi sifatida ham qaraladi, chunki bu nafaqat so‘zlovchining loqaydligini, balki uning sudga, sud maslahatchilariga va sud zalida o‘tirib notiqning nima deyotganini tushunish uchun qulog‘iga zo‘r berishga majbur bo‘layotgan barchaga hurmatsizlik qilayotganini ham namoyon etadi. Nutqda so‘zlarning bir-biriga aralashib ketishi, tovushlar va bo‘g‘inlarning noaniqligi, tushunarsiz va juda tez gapirish uning beparvo so‘zlanayotganini ko‘rsatadi.

Nutqda talaffuzning aniqligi notiqning madaniyatini, tinglovchilariga bo‘lgan hurmatini ko‘rsatib beradi. Tiniq talaffuzga ega bo‘lishda til, lablar va pastki jag‘ni uyg‘un ishlatish muhim o‘rin tutadi. Ko‘pincha bizning so‘zlarimizning hammasi emas, yarmi eshitiladi va ma’noga qarab tushunib olinadi. Lekin notiqlik san’atida so‘zlarni to‘liq talaffuz qilish yaxshi samara beradi. To‘liq talaffuz qilmaslik, ayniqsa, tez gapirish kerak bo‘lgan o‘rinlarda xatolarni keltirib chiqaradi. Yaxshi talaffuzga ega bo‘lish uchun ovoz apparatlarini ko‘p mashq qildirish kerak. Bunda tez aytish, chiroyli gapirish mashqlari qo‘l keladi. Nutq qancha tez bo‘lsa, talaffuz shuncha toza bo‘lishi kerak.
Nutq biror o‘zgarishsiz, optimal sur’atda (taxminan daqiqasiga 120 ta so‘z) so‘zlanganda ham qiyin tushuniladi, chunki turli mavzular haqida ayni bitta sur’atda gapirish imkonsiz (masalan, ishni bayon qilish va sudlanuvchining harakatlarini baholash, tibbiy ekspertiza xulosasi va sudlanuvchining shaxsini tavsiflovchi ma’lumotlarni bayon qilishda). Ish materiallarini tahlil qilishda notiq muayyan dalillarning haqiqiy yoki yolg‘onligini muhokama qiladi, asoslaydi, rad etadi, xulosa chiqaradi. Tabiiyki, bularning barchasini bir xil sur’atda bayon etib bo‘lmaydi. Ularning eng muhimlari biroz sekinroq sur’atda aytiladi va bu bilan fikrlarning ahamiyatini ta’kidlaydi, chunki sekin sur’at fikrni ta’kidlaydi, uni alohida ko‘rsatadi va unga alohida diqqat bilan to‘xtalishga imkon beradi. Nisbatan kamroq ahamiyatga ega bo‘lgan qismlar biroz tezroq va osonroq ifodalanadi; qandaydir hodisaga nisbatan hissiy baho ham biroz tezroq sur’atda bayon etiladi.