Shodmon Sulaymon she’riyatining g`oyaviy-badiiy xususiyatlari reja: Kirish I bob. Shodmon Sulaymon – iste’dodli shoir

Shodmon Sulaymon she’riyatining g`oyaviy-badiiy xususiyatlari
REJA:
Kirish
I bob. Shodmon Sulaymon – iste’dodli shoir
I.1. Shodmon Sulaymonning ijodiy biografiyasi.
I.2. Shoir she’riyatining mavzu-mundarijasi.
II bob. Shodmon Sulaymon she’riyatining badiiy olami.
II.1. Shoir she’rlarining janriy tarkibi
II.2. Shoir she’rlarining vazn xususiyatlari
II.3. Shoir she’rlarining badiiy xususiyatlari
Xulosa
Foydalanilgan adabiyotlar ro’yxati

KIRISH


Mavzuning dolzarbligi. Buxoro adabiy harakatchiligi tarixi o’zining yorqin sahifalariga ega. Ahmad Donish, Sadriddin Ayniy singari ulug` adiblardan boshlangan mazkur jarayon davrdan davrga o’tgan sayin to’lisha bordi. Keyinchalik bu qatorga Toshpo’lat Hamid, Samandar Vohidov, Sadriddin Salim Buxoriy, Toshpo’lat Ahmad, Isroil Subhon, Laylo Sharipova singari shoirlar kelib qo’shildilar. Shodmon Sulaymon Buxoro adabiy harakatiga o’tgan asrning 90 yillarida o’ziga xos ovozi bilan kirib keldi. Va aytish mumkinki, juda qisqa muddatda respublikamizda ham tanildi. Ulkan munaqqidlar nazariga tushdi. Uning “Oqqush saltanati” (1997), “Xosiyatli kun” (2001), “Kuz xayoli” (2004), “Tug`ilgan kun” (2006) Saylanma (2015) singari she’riy to’plamlari endilikda she’rxonlarning qalb mulkiga aylanib ulgurdi, desak mulolag`a bo’lmaydi. Iste’dodli ijodkor she’rlarida qaynoq hislar to’lqini, Vatanga, xalqqa, ota onaga o’tli muhabbat, samimiyat ufurib turadi. Yana bir jihatni mamnuniyat bilan qayd etish kerakki, 2016-yilda nashr etilgan “O’zbek adiblari” kitobiga Shodmon Sulaymon ham alohida figura sifatida kiritilgan.
Adabiyotshunosligimizda Sh.Sulaymon she’rlari haqida ayrim maqolalar yaratilgan. Biroq adabiyotimizning umidli vakili haqida hozirga qadar maxsus izlanishlar olib borilmagan. Ushbu bitiruv malakaviy ishida shoirning ijodiy portretini yaratishga harakat qilamiz. Bu ishmizning dolzarblik xususiyatini belgilab beradi.