Reja: I. Kirish II. Asosiy qism Spontan va majburiy molekulyar sochilish Yorugʻlikning gazlarda sochilishi-zichlik fluktuatsiyasi Sochilgan yorugʻlik spektrining nozik strukturasi Xulosa Foydalanilgan adabiyotlar kirish

REJA:
I. Kirish
II. Asosiy qism
Spontan va majburiy molekulyar sochilish
Yorugʻlikning gazlarda sochilishi-zichlik fluktuatsiyasi
Sochilgan yorugʻlik spektrining nozik strukturasi
Xulosa
Foydalanilgan adabiyotlar

KIRISH
Yorugʻlikning sochilishi -muhitda tarqalayotgan yorugʻlik dastasining mumkin boʻlgan barcha yoʻnalishlarda ogʻishi. Muhitning har xil jinsliligi va yorugʻlikning modda zarralari bilan oʻzaro taʼsiri Yo. sta sabab boʻladi. Bunda yorugʻlikning intensivligi, spektri va qutblanishi oʻzgaradi. Yorugʻlikning sochilishi asosida molekulalar, suyukliklar va h. k.ning tuzilishi oʻrganiladi. Yorugʻlikning Reley sochilishi (Reley qonuni), yorugʻlikning molekulyar sochilishi, yorugʻlikning kombinatsion sochilishi va boshqa turlari mavjud.
Yorugʻlikning sochilish hodisasidan fizika, kimyo va texnikaning turli sohalarida, turlituman tadqiqotlarda keng foydalaniladi. Yorugʻlikning sochilish spektri yordamida moddalarning atom va molekulyar harakteristikalari, ularning elastiklik, relaksatsion va b. doimiylari aniqlanadi. Zarralarning oʻlchamlari va shakllarini aniqlashning koʻpgina usullari Yorugʻlikning sochilish. hodisasiga asoslangan. Lazer spektroskopiya asosida yorugʻlikning majburiy sochilish jarayoni yotadi va undan lazerlarsa keng foydalaniladi.
Kurs ishi mavzusining dolzarbligi. Maʼlumki tabiatda yorugʻlik turli yoʻnalishlarda, turli qonuniyatlar asosida sochiladi. Yorugʻlikning sochilish hodisasidan fizika, kimyo va texnikaning turli sohalarida, turli-tuman tadqiqotlarda keng foydalaniladi. Yorugʻlikning sochilishi spektri yordamida moddalarning atom va molekulyar xarakteristikalari, uning elastiklik, relaksatsion va boshqa doimiylari aniqlanadi.
Kurs ishining maqsadi. Zarralarning oʻlchamlari va shakllarini aniqlashning koʻpgina usullari yorugʻlikning sochilishiga asoslangan. Yorugʻlik sochilishining turlarini oʻrgangan holda biz yorugʻlikning xususiyatlarini oʻrganamiz.