Operatsiyalarni izchil (ketma-ket) jamlash

1-amaliy mahg’ulot Operatsiyalarni izchil (ketma-ket) jamlash

• Ishlab chiqarish jarayonlari va operatsiyalari turlari
• Ishlab chiqarish sikli vaqtini taqsimlash
• Operatsiyalarning ketma-ket birga kelishi

Ishlab chiqarish jarayonlari va operatsiyalari turlari

Ishlab chiqarish jarayoni qismlar, ya’ni asosiy, ko’makchi va xizmat ko’rsatish kabi o’zaro bog’langan jarayonlar yig’indisidan iborat bo’lib, ular natijasida boshlang’ich material va yarim fabrikatlar tayyor mahsulotga aylanadilar. Asosiy deb mahsulotlarni ishlab chiqarish texnologiya jarayoniga aytilib, uning natijasida zagotovka, detallarning shakli, o’lchami, yuzasi holati, mexanik va fizik yoki o’zga xossalari o’zgaradi, shuningdek ulardan agregatlar shakllantiriladi.

Ishlab chiqarish jarayonlari va operatsiyalari turlari

Ko’makchi jarayonlar deb mazkur korxonada asboblar, moslamalar, shtamplar, modellar tayyorlash jarayonlarga, shu bilan birga uskunalar, bino va inshootlarni ta’mirlash, elektr energiyasi, siqilgan havo, bug’ ishlab chiqarish kabilarga aytiladi.

Xizmat ko’rsatish jarayonlariga mahsulot sifatining texnik nazorati, omborxona operatsiyalari kabilar kiradi.

Texnologik jarayon bu ishlab chiqariladigan mahsulotga ishlov berishning yagona jarayonini hosil qiluvchi texnologik operatsiyalarning yig‘indisi.

Ishlab chiqarish jarayonlari va operatsiyalari turlari

Texnologik jarayonining tuzilma birligi bo’lib texnologiya operatsiyasi hisoblanadi. U bir yoki bir nechta bir vaqtda ishlov berilayotgan ob’yekt (zagotovka, detal, agregat) bilan, bir ish joyida (dastgoh. press, konveyyerda va h.k.), bir yoki bir guruh ishchilar tomonidan yoki avtomat ishlab chiqarish jarayonida operator kuzatuvi ostida bajariladi. Operatsiya texnologiya jarayonining bir qismi sifatida ishlov berish ob’yekti, ish joyi va ijrochilar o’zgarmasligi bilan tavsiflanadi.