Operatsiyalarni izchil (ketma-ket) jamlash

Ishlab chiqarish jarayonlari va operatsiyalari turlari

Jarayonning mexanizatsiyalashganligi darajasiga ko’ra operatsiyalarning quyidagi turlari farqlanadi:

• qo’lda bajariladigan — oddiy yoki mexanizatsiyalangan asbob yordamida qo’lda bajariladigan operatsiyalar (masalan, chilangarlik kesish ishlari, qo’lda shakl berish va h.k.);
• mashina-qo’lda bajariladigan — mashinalar yordamida, ammo ishchilarning bevosita va uzluksiz ishtirokida amalga oshiriladigan operatsiyalar (masalan, metall kesish dastgohlarida asbobni qo’lda uzatgan holda detallarga ishlov berish va sh.k.);
• mashina – cheklangan miqdordagi ishchilar ishtirokida mashinalar yordamida bajariladigan operatsiyalar (masalan, universal metall kesish dastgohlarida detallarga ishlov berish, bunda ishchi ishtiroki dastgohni boshqarish, detallarni o’rnatish va echib olish, hamda faqat nazorat o’lchovlarini bajarishdan iborat bo’ladi);
• avtomat – avtomat uskunalarda bajariladigan (masalan, detallarga avtomat-dastgohlar yoki avtomat liniyalarda ishchi ishtirokisiz, raqamli dasturli boshqaruvga (RDB) ega bo’lgan dastgohlarda, robototexnika komplekslarini qo’llagan holda ishlov berish).

Ishlab chiqarish sikli vaqtini taqsimlash

Ishlab chiqarish sikli o’z ichiga texnologiya va transport operatsiyalari, texnik nazorat, ishdagi tanaffuslar, ishlanmaydigan smenalar va operatsiyalar orasidagi kutish davrini qamrab oladi.

Ishlab chiqarish sikli T davomiyligini umumiy ko’rinishda quyidagicha belgilash mumkin:

Tts=ttex+ttr+tk+test+tp+tpr

bu yerda ttex - texnologik operatsiyalar vaqti;

• ttr - transport operatsiyalari vaqti;
• tk - texnik nazorat vaqti;
• test- tabiiy jarayonlar vaqti (teplovoz agregatlari bo’yalganidan so’ng ularni quritish, isitish, sovutish va h.k.);
• tp - tanaffuslar, smenalararo va smenalar ichki operatsiyalararo o’tadigan vaqti;
• tpr - yarim fabrikatlarning sexlararo omborlarda bo’lish vaqti.