4, laboratoriya ishi (6-soat) Avtotransport korxonasida (atk) texnik va nazorat bo‘limining ishini o‘rganish. Ishdan maqsad

3, 4, 5 - LABORATORIYA ISHI (6-soat)
Avtotransport korxonasida (ATK) texnik va nazorat bo‘limining ishini o‘rganish.
Ishdan maqsad: Texnik va nazorat bo‘limlari ishini tashkil qilishni o‘rganish.
Kerakli jihozlar: Texnik va nazorat bo‘limini hujjati, rejasi, grafigi ishini tashkil qilish.
Nazariy qism.
Texnik nazorat xizmati vositalarini texnik holatini ATKda nazoratini tashkil etadi. Markazlashtirilgan ishlab chiqarishga kelgan avtomobillarni agregatlarini, uzellarini texnik holati nazoratini ta’minlaydi. Texnik xizmat ko‘rsatish va ta’mirlashda bajariladigan ishlarni sifatini nazorat etadi. ATKga kelayotgan materiallarni sifatini nazorat qiladi, texnik nazorat xizmat ishini takomillashtirish bo‘yicha tadbirlar ishlab chiqadi.
Nazorat hizmatiga rahbarlik qiladigan boshliq avtokorxona boshlig‘iga bo‘ysinadi. Texnik nazorat xizmati boshlig‘ini qo‘l ostida mexanik nazorat ustasi, mexanik nazorat mexaniklari ishlaydi.


Texnik nazorat xizmatini prinsipial chizmasi.
asosiy korxona



Nazorat bo‘yicha ish mashinalari yetarli bo‘lganda ba’zan bo‘limlar birlashtiriladi. Nazorat mexaniklari markazlashgan ishlab chiqarishga kelgan harakat vositalarini qabul qiladilar, kapital ta’mirlangan avtomobillarni agregatlarini sifatini nazorat qiladi.


Avtokorxonalarda nazorat – texnik punktining navbatchi mexanigi ishini o‘rganish.


1. Umumiy qoidalar.
1.1. Navbatchi mexanik bevosita avtokorxonaning bosh muhandisiga bo‘ysunadi.
1.2. Yo‘lga chiqish oldidan va undan qaytish vaqtida harakat tarkibining texnik holatini nazorat qilishni amalga oshiradi.
1.3. O‘zining ish faoliyati davomida ushbu lavozim yo‘riqnomasi, nizomlar, buyruqlar, harakat xavfsizligiga oid qoida va yo‘riqnomalar va boshqa me’yoriy hujjatlarga rioya qiladi.
1.4. Navbatchi mexanik lavozimiga o‘rta yoki oliy maxsus ma’lumotli shaxslar tayinlanadi.
1.5. Navbatchi mexanik bosh muhandis taqdimnomasi bo‘yicha avtokorxona rahbarning boshqaruviga binoan tayinlanadi va lavozimdan ozod etiladi.
1.6. Navbatchi mexanikning farmoishi, navbatchi mexaniklar uchun majburiy hisoblanadi va faqat mexanikning o‘zi orqali yuqori rahbarlar tomonidan bekor
qilinishi mumkin.