Менежернинг раҳбарлик услуби ва бошқаришдаги ўрни режа: Менежер ва раҳбарлик услуби тушунчаси

Менежернинг раҳбарлик услуби ва бошқаришдаги ўрни
РЕЖА:

• Менежер ва раҳбарлик услуби тушунчаси
• Раҳбарлик услубига қараб раҳбарнинг турларга ажратилиши
• Раҳбар фазилатлари тўғрисида Гиппократ фикрлари
• Раҳбарга қўйиладиган талаблар. Раҳбар маданияти.

Менежер (инг. manager-бошқарувчи)
1. Корхона ва компания эгалари бўлмаган, махсус тайёргарлик кўрган, бошқаришнинг қонун-қоидаларини чуқур билувчи малакали мутахассис- ёлланма бошқарувчи;
2. Ривожланган мамлакатларда компания, фирма, корхона, банк, молия муассасаларининг ижроия ҳокимиятга эга бўлган бошқарувчи, директор, раҳбар, мудир, маъмурий бошқарувчи каби раҳбар ходими;
Менежерлар бошқарув поғонасига биноан уч тоифага бўлинади:
Юқори поғона менежерлари- фирма истиқболини белгилаш, унинг келажаги учун аҳамиятли чора-тадбирларни ишлаб чиқиш билан шуғулланади.
Ўрта поғона менежерлари- фирма фаолиятининг айрим томонларини, ишлаб чиқариш ва меҳнатни ташкил этиш кабиларни бошқариш билан шуғулланади
Қуйи поғона менежерлари- қуйи бўғинда, масалан, цех, бўлим, бригада доирасида ишни ташкил этиш, кунлик, хафталик, ойлик иш топшириқларининг бажарилишини бошқариб боради.
Бошқарув функцияларини бажаришда ва жамоат ишлаб чиқаришида замонавий менежер:

• Раҳбар-бошқарувчи;
• Раҳбар-дипломат;
• Раҳбар-мураббий, тарбиячи;
• Раҳбар-инсон;
• Раҳбар-тадбиркор;
• Раҳбар-инноватор сифатида майдонга чиқади.

Ҳар бир менежер ўзига хос бошқарув услубига эга.
Услуб - бу ишлаш, бошқаришдаги ўзига хос йўл, усул маъносини англатади. Шу нуқтаи назардан қуйидаги тушунчаларни ажрата билиш лозим:

• бошқарув услуби;
• иш услуби;
• раҳбарнинг иш услуби.