Менежернинг раҳбарлик услуби ва бошқаришдаги ўрни режа: Менежер ва раҳбарлик услуби тушунчаси

2.	ЛИБЕРАЛ РАҲБАР
Бундай турдаги раҳбар: иродасиз ташаббуссиз бўлади; ўз зиммасига маъсулият олишни ёқтирмайди; ишни ўз ҳолига ташлаб қуяди; идорага нисбатан қатъий бўлишдан ҳайиқади; ўзини ҳаддан ташқари эҳтиёт қилади; бирон ходим билан ҳам алоқани бузишни истамайди; талабчан эмас, суст назорат қилади.
3.	ДЕМОКРАТИК РАҲБАР	Бундай турдаги раҳбар: бошқариш функцияларини жамоа фикри билан ҳисоблашиб амалга оширади; ишлаб чиқаришни бошқаришга ходимларни жалб қилади, уларнинг билдирган фикрига қулоқ солади, улар билан маслаҳатлашади, ижобий натижаларини инобатга олади; барча билан баробар ва самимий муносабатда бўлади., устунлигини билдирмайди; буйруқ бериш йўли билан эмас, балки ишонтириш услубида иш тутади; бўйсунувчиларнинг шахсий ташаббусини ижодий фаолиятини ривожлантиради ва жамоадаўртоқлик ва ишчан муҳитни яратади.

 3. Раҳбар фазилатлари тўғрисида Гиппократ фикрлари
Қадимги тиббиётнинг йирик намоёндаси Гиппократнинг инсон баданида қон асосий ўринни ишғол этса, бундай одам ҳаракатчан, енгил бўлади, таассуротларининг алмашинишига тез кўникиб кета қолади, ўз атрофида содир бўлаётган воқеаларга дарҳол ва иштиёқ билан аралашади, деган фикр бежиз эмас. Мана шу хил кишиларни Гиппократ сангвинлар (хушчачақ кишилар) деб атаган. Бу лотинча “сангвинис” яъни “қон” деган сўздан келиб чиққан.
Фазилат - бу ижобий хислат, яхши сифат ёки хусусиятдир. Кишиларда фазилатларнинг турлича бўлиши ҳамда ҳар хил хулқ-атворлар инсоннинг баданида айланиб юрадиган суюқ моддаларга кўп жиҳатдан боғлиқ эканлиги тажрибада кузатилган.
Сангвиниклар туйғу (жўшқин) хусусиятлари билан ажралиб туради. Улар:

• янги кишилар билан тез тил топишадиган;
• бир иш туридан иккинчи иш турига тезда кўникадиган;
• бир турда бажариладиган ишларни ёқтирмайдиган;
• янги шароитга осонлик билан ўрганадиган;
• хушчақчақ;
• ҳаракатлари шиддатли;
• нутқи тез;
• келажакка ишонч билан қарайдиган;
• сўзини аниқ ва маъноли қилиб, имо-ишоралар билан гапирадиган кишилардир.

Сангвиниклар иш жараёнида кечган кўнгилсиз ҳодисаларни тез унутадилар. Улар ўз кучи ҳамда қобилятларига ортиқча баҳо бериш хусусиятига эга бўладилар.