Ma’muriy huquq moduli doriasida tayyorlangan oraliq nazorat kazuslari Barcha kazuslar uchun muhim ma’lumotlar

Ma’muriy huquq moduli doriasida tayyorlangan oraliq nazorat kazuslari


Barcha kazuslar uchun muhim ma’lumotlar

Ma’muriy huquqiy munosabat – bu huquq normalari bilan tartibga solinadigan, qoida sifdatida bir tomonda davlat organlari qoida o’rnatuvchi sifatida ishtirok etadigan va taraflarning harakatlari ma’lum maqsadga yo’naltirilgan harakatlarlardan iborat munosabatdir. Ma’muriy huquqiy munosabat bo’lishi uchun 4 ta muhim unsurlar bo’lib, ular quyidagilar:

• 
  Ma’muriy huquq subyekti;
  
• 
  Ma’muriy huquq obyekti;
  
• 
  Subyektiv huquq;
  
• 
  Yuridik majburiyat.
  

“Ma’muriy tartib taomillar to’g’risida” qonunning 4-moddasiga:

manfaatdor shaxs — qabul qilinayotgan ma’muriy hujjat yoki ma’muriy harakat qaratilgan shaxs, shuningdek huquqlari va qonuniy manfaatlari ma’muriy hujjatga yoki ma’muriy harakatga daxldor bo‘lgan yoxud daxldor bo‘lishi mumkin bo‘lgan shaxs;
ma’muriy organlar — ma’muriy-huquqiy faoliyat sohasida ma’muriy boshqaruv vakolati berilgan organlar, shu jumladan davlat boshqaruvi organlari, mahalliy ijro etuvchi hokimiyat organlari, fuqarolarning o‘zini o‘zi boshqarish organlari, shuningdek ushbu faoliyatni amalga oshirishga vakolatli bo‘lgan boshqa tashkilotlar va maxsus tuzilgan komissiyalar.
ma’muriy tartib-taomil — ma’muriy organlarning ma’muriy-huquqiy faoliyatini tartibga soluvchi protsessual qoidalar;
ma’muriy harakatlar — ma’muriy organning jismoniy va yuridik shaxslarga nisbatan ma’muriy-huquqiy faoliyat sohasida amalga oshirilgan, ma’muriy yoki protsessual hujjat bo‘lmagan, yuridik ahamiyatga ega harakatlari (harakatsizligi);
ma’muriy hujjat — ma’muriy organning ommaviy huquqiy munosabatlarni yuzaga keltirishga, o‘zgartirishga yoki tugatishga qaratilgan hamda ayrim jismoniy yoki yuridik shaxslar uchun yoxud muayyan xususiy belgilariga ko‘ra ajratiladigan shaxslar guruhi uchun muayyan huquqiy oqibatlar keltirib chiqaruvchi ta’sir chorasi;