Ma’muriy huquq moduli doriasida tayyorlangan oraliq nazorat kazuslari Barcha kazuslar uchun muhim ma’lumotlar

81-modda. Mehnat daftarchasi
Mehnat daftarchasi xodimning mehnat stajini tasdiqlovchi asosiy hujjatdir.
3-muommoga to’xtaladigan bo’lsak:
Ushbu jarayonda davlat organi tomonidan “Ma’muriy tartib-taomillar to’g’risida”gi qonunning bir nechta prinsiplariga amal qilinmagan. Bulardan, ishonchlilik, tekshirish prinsiplari hisoblanadi.
8-modda. Ishonchlilik prinsipi
Ishonchlilik prinsipi - ma’muriy ish yuritish davomida manfaatdor shaxslar tomonidan taqdim etilgan haqiqiy holatlar to‘g‘risidagi hujjatlar va ma’lumotlar aksi isbotlanmaguniga qadar ishonchli hisoblanadi.
Manfaatdor shaxslar tomonidan taqdim etilgan hujjatlar va ma’lumotlarning haqiqiyligiga shubha paydo bo‘lgan taqdirda, ma’muriy organ ularning ishonchliligini mustaqil ravishda va o‘z hisobidan tekshirish uchun choralar ko‘radi.
Ma’muriy ish yuritish davomida manfaatdor shaxslardan ular taqdim etgan hujjatlarning yoki ma’lumotlarning ishonchliligini tasdiqlovchi qo‘shimcha materiallar talab qilish, agar qonunda bunday talab belgilanmagan bo‘lsa, taqiqlanadi.
Ya’ni agar fuqarolar tomonidan ya’ni manfaatdor shaxs tomonidan hujjatlar taqdim qilingan hujjatlar noto’g’riligi isbotlanguniga qadar ishonchli hisoblanadi ya’ni Yunusov taqdim qilingan hujjatlar ishonchli hisoblanadi.
18-modda. Tekshirish prinsipi
Tekshirish prinsipi - Ma’muriy organ ma’muriy ishni to‘g‘ri hal qilish uchun ahamiyatga ega bo‘lgan barcha haqiqiy holatlarni har tomonlama, to‘liq va xolisona tekshirishi shart.
Zarurat bo‘lganda, ma’muriy organ manfaatdor shaxslar tomonidan taqdim etilgan dalillar bilan cheklanmasdan qonunchilikda belgilangan tartibda o‘z tashabbusi bilan qo‘shimcha dalillar yig‘ishga haqli.
Agar fuqaro Olim Yunusov tomonidan taqdim qilingan hujjatlar va dalillar haqiqiy emas degan fikrga kelishsa, davlat organi tomonidan tekshirish jarayonlari olib boriladi ya’ni qo’shimcha dalillarni yig’ishni amalga oshiradi. Ammo yuqoridagi muommoda haqiqiy bo’lmagan holatlar mavjud emas, agar mavjud bo’lganda ham Pensiya jamg’armasi qo’shimcha tekshiruv jarayonlarini olib bormagan.
Bundan ko’rinib turibdiki, “Davlat pensiya ta’minoti to’g’risida”gi qonun hamda “Ma’muriy tartib-taomillar to’g’risida”gi qonun bilan keltirilgan asoslarga ko’ra fuqaro Yunusovning 14.07.2000-yildan 23.12.2006-yilgacha bo’lgan davr mobaynida ishlaganligi ish stajiga qo’shilishi lozim bo’lgan.
4-muommoga to’xtaladigan bo’lsak:
Agar fuqaroning ushbu yillar mobayniga ishlaganligini haqiqiy holat deb topadigan bo’lsak, “Ma’muriy tartib-taomillar to’g’risida”gi qonunning 24-moddasiga ko’ra manfaatdor shaxslar ma’muriy ish yuritish davomida kelib chiqadigan barcha masalalar bo‘yicha o‘z vajlarini bayon etish, boshqa manfaatdor shaxslarning arizalari, iltimosnomalari va vajlariga qarshi e’tiroz bildirish, ma’muriy va protsessual hujjatlar, shuningdek ma’muriy harakatlar ustidan shikoyat qilish huquqiga ega.
Manfaatdor shaxs ma’muriy shikoyatni qonunchilikka muvofiq ma’muriy shikoyatlarni ko‘rib chiqishga vakolatli bo‘lgan yuqori turuvchi ma’muriy organga yoki boshqa vakolatli ma’muriy organga ustidan shikoyat qilinayotgan ma’muriy hujjatni, protsessual hujjatni qabul qilgan yoxud ma’muriy harakatni amalga oshirgan ma’muriy organ orqali berishi mumkin. Demak, Yunusov Byudjetdan tashqari Pensiya jamg’armasi Samarqand shahar bo’limi ustidan yuqori turuvchi organga ariza bilan shikoyat qilishi asosli hisoblanadi.
Shuningdek, yuqoridagi qonunning 64-moddasiga ko’ra “Agar qonunda boshqacha qoida nazarda tutilmagan bo‘lsa, ma’muriy shikoyat ma’muriy hujjat, protsessual hujjat to‘g‘risida tegishli tarzda xabardor qilingan paytdan yoki manfaatdor shaxsga ma’muriy harakat haqida ma’lum bo‘lgan paytdan e’tiboran o‘ttiz kundan kechiktirmay berilishi mumkin.”
Ya’ni agar Olim Yunusov shikoyatni xabardor qilinganligidan 30 kundan kechiktirmay bergan bo’lsa asosli hisoblanadi,