Ma’muriy huquq moduli doriasida tayyorlangan oraliq nazorat kazuslari Barcha kazuslar uchun muhim ma’lumotlar

38-modda. Yer to‘g‘risidagi qonunchilik buzilganda yer uchastkasini olib qo‘yish
Ushbu Kodeks 36-moddasi birinchi qismining 6 — 11-bandlarida nazarda tutilgan hollarda, shuningdek yer to‘g‘risidagi qonunchilik buzilgan boshqa hollarda yerlardan foydalanish va ularni muhofaza qilish ustidan davlat nazoratini amalga oshiruvchi organ yer egasini yoki yerdan foydalanuvchini oldindan ogohlantirganidan keyin yer uchastkasini bergan organga yer uchastkasini olib qo‘yish haqida taqdimnoma kiritadi. Yer uchastkasini bergan organ taqdimnoma asosida bir oylik muddatda uni olib qo‘yish haqida sudga da’vo arizasi kiritadi. Yer uchastkasini bergan organ, zarur hollarda, yer uchastkasining holatini hamda yer egasi yoki yerdan foydalanuvchi tomonidan yerlardan oqilona foydalanish va ularni muhofaza qilish yuzasidan amalga oshirilayotgan chora-tadbirlarning sifatini qo‘shimcha ravishda tekshirishni tayinlashga haqli.
Yuqorida ko’rinib turibdiki, yerlardan foydalanish va ularni muhofaza qilish ustidan davlat nazoratini amalga oshiruvchi organ Mastonovni avvalo ogohlantirishi lozim edi va keyin yer uchastkasini bergan organga yer uchastkasini olib qo‘yish haqida taqdimnoma kiritishi lozim edi.
“Ma’muriy tartib taomillar to’g’risida” qonunning 33-moddasida tegishli tartibda xabardor qilish belgilab qo’yilgan
33-modda. Tegishli tarzda xabardor qilish
Xabarnomani topshirilganligi ma’lum qilinadigan buyurtma xat orqali yuborish yoki tilxat olib topshirish yoxud xabardor qilinganligi fakti qayd etilishini ta’minlaydigan axborot tizimlaridan foydalangan holda xabardor qilish ma’muriy ish yuritishda tegishli tarzda xabardor qilish hisoblanadi. Tegishli xabarnoma manfaatdor shaxs tomonidan olingan payt xabardor qilish vaqtidir.
Ushbu holatda Mastonov tegishli tarzda xabardor qilinmagan. Yer kodeksining 38-moddasida ham avval ogohlantirish lozimligi nazarda tutilgan. Bu holat Ma’muriy tartib taomillar to’g’risida” qonunning qonuniylik prinsipi buzilganligini ko’rsatadi. Shu bilan birga tinglanish prinsipi ham inobatga olinmagan