Mak na jaqlawǵa jiberilsin Dekan Jiemuratov T. j

ÓZBEKSTAN RESPUBLIKASI HÁM ORTA ARNAWLÍ BILIMLENDIRIW MINSTRLIGI
BERDAQ ATÍNDAǴÍ QARAQALPAQ MÁMLEKETLIK
UNIVERSITETI

EKONOMIKA FAKULTETI

«EKONOMIKA» KAFEDRASÍ
MAK na jaqlawǵa jiberilsin
Dekan _______ Jiemuratov T.
«____»_____________ j.

5230100 – Ekonomika bakalavr tálim baǵdarı 4-kurs student

Saekeev Srajatdin Dilimurat ulınıń
«Banktiń depozit siyasatınıń ekonomikalıq nátiyjeliligin asırıw»
atamasındaǵı

PITKERIW QÁNIGELIK JUMÍSÍ

MAK na jaqlawǵa usınıs etilsin Student: Saekeev Srajatdin
Kafedra baslıǵı e.i.k., docent Adilchev R.T Ilimiy basshı: e.i.d., professor Ubaydullaev Q.
«____»_________2022 j.
Nókis – 2022 j.


Mazmunı

Kirisiw
I – Bap. Banktiń depozit siyasatınıń teoriyalıq tiykarları
1.1 Bank depozit siyasatınıń mazmunı hám wazıypaları
1.2 Depozit portfelin shólkemlestiriw usılları hám quralları
II – Bap AKB “Qishloq qurilish bank” Shımbay filialı depozit siyasatınıń analizi
2.1 Házirgi kúnde bank depozit siyasatınıń shólkemlestiriliwi hám onıń nátiyjeliligin támiynlew.
2.2 Banktegi depozit xizmetlerin analizlew.
III – Bap Bank depozit siyasatınıń nátiyjeliligin jetilistiriw jolları
3.1 Bank depozit siyasatın jetilistiriw quralları
3.2 Kommerciyalıqlıq bank depozit siyasatın jetilistiriwdiń perspektivaları
Juwmaq hám usınıslar.
Paydalanılǵan ádebiyatlar dizimi.

Kirisiw
Temanıń aktuallıǵı. Qánigelik pitkeriiw jumısı kommerciyalıq bankleri turaqlılıǵın támiyinlewde bank depozit siyasatınıń rolin sezilerli dárejede asırıw menen hámde, bank tutınıwshıları menen múnásibetlerde kommerciyalıqlıq banktiń depozit siyasatın hár tárepleme úyreniw zárúrligi menen de baylanıslı.
Bazar ekonomikası sharayatında bank minnetlemelerin qáliplestiriw procesi, olardıń strukturasın optimallastırıw hám sonday eken, kommerciyalıqlıq banktiń resurs potencialın quraytuǵın barlıq qarjı dereklerin basqarıw sapası bólek áhmiyetke iye.
Hesh qanday gúmansız aytıwımız múmkin, banktiń turaqlı resurs bazası oǵan kredit hám basqa aktiv operatsiyalardı tabıslı ámelge asırıw imkaniyatın beredi. Sol sebepli hár bir kommerciyalıqlıq bank óz resursların kóbeytiwge umtıladı.
Passiv operatsiyalarǵa tómendegiler kiredi:
- yuridikalıq hám fizikalıq adamlardıń esap -kitap hám ámeldegi esapbetlerine pul qarjların tartıw ;
- puqaralar, kárxana hám shólkemlerdiń operativ esapbetlerin ashıw ;
- qımbatlı qaǵazlardı shıǵarıw ;
- basqa banklerden alınǵan kreditler hám basqalar.
- yuridikalıq shaxslardan qarjılardı tartıw bank ushın ásirese paydalı bolıp tabıladı, sebebi yuridikalıq shaxslar eń isenimli hám tabıslı bank tutınıwshıları bolıp tabıladı.