I-чет эл валютаси бўйича биржа савдоларига оид саволлар

“Тасдиқлайман”
ЎзРВБ Бош директори
Биринчи ўринбосари,
Комиссия раиси
Р.Р. Усманов
14 август 2016 й.
Ўзбекистон республика валюта биржасининг чет эл валютаси бўйича биржа савдоларида иштирок этиш ҳуқуқи учун трейдерларнинг
аттестацияси (қайта аттестацияси) бўйича саволлар


I-Чет эл валютаси бўйича биржа савдоларига оид саволлар.


1. Банклараро савдо сессияларида чет эл валютасидаги операциялар қайси меъёрий ҳужжатлар асосида амалга оширилади?

“Ўзбекистон республика валюта биржасида банклараро савдо сессияларини ўтказиш қоидалари”нинг 2-бандига мувофиқ банклараро савдо сессияларида чет эл валютасидаги операциялар Ўзбекистон Республикаси Вазирлар Маҳкамасининг 2001 йил 10 июлдаги “Биржадан ташқари валюта бозори фаолиятини ташкил этиш чора-тадбирлари тўғрисида”ги 294-сон Қарорига, ЎзРВБ Устави, “Ўзбекистон республика валюта биржасида банклараро савдо сессияларини ўтказиш қоидалари” ва Ўзбекистон Республикасининг валютани тартибга солиш тўғрисидаги қонунчилиги талабларига риоя қилган ҳолда амалга оширилади.

2. Ўзбекистон Республикаси “Биржалар ва биржа фаолияти тўғрисида”ги Қонунининг мақсади нима?
Ўзбекистон Республикаси “Биржалар ва биржа фаолияти тўғрисида”ги Қонунининг 1-моддасига мувофиқ ушбу Қонуннинг мақсади биржаларнинг ташкил этилиши ва фаолияти билан боғлиқ муносабатларни тартибга солишдан иборат.
Ўзбекистон Республикаси “Биржалар ва биржа фаолияти тўғрисида”ги Қонунининг 3-моддасига мувофиқ биржа - олдиндан белгиланган жой ва муайян вақтда, белгиланган қоидалар асосида биржа савдоларини ташкил этувчи юридик шахс.
Биржалар фақат акциядорлик жамиятлари шаклида ташкил этилади.
Биржалар белгиланган тартибда лицензия олганидан кейин биржа фаолиятини амалга ошириш ҳуқуқини қўлга киритади.
Биржанинг фирма номида "биржа" сўзи бўлиши керак.
Биржалар ўз фаолиятини товар-хом ашё, фонд ва валюта биржаси турида амалга оширади.