I-чет эл валютаси бўйича биржа савдоларига оид саволлар

5. ЎзРВБ билан ўзаро ҳисоб-китобларни амалга ошириш учун пул маблағларининг ўз вақтида ўтказилишини таъминламаган Дилерлар қандай миқдорда пеня тўлайдилар?
“ЎзРВБда банклараро савдо сессияларини ўтказиш қоидалари”нинг 69-бандига мувофиқ:
ЎзРВБ билан ўзаро ҳисоб-китобларни амалга ошириш учун пул маблағларининг ўз вақтида ўтказилишини таъминламаган Дилерлар мажбуриятларининг ижро этилмаган қисмидан 0.1% миқдорида пеня тўлайдилар.


6. Қайси ҳолларда савдо қатнашчилари чет эл валютаси савдолари натижалари бўйича ЎзРВБ меъёрий ҳужжатларида ўрнатилган тўлов муддатлари бузилганда жавобгарликдан озод этиладилар?

“ЎзРВБда банклараро савдо сессияларини ўтказиш қоидалари”нинг 72-бандига мувофиқ:

ЎзРВБ ва Дилерлар ЎзРВБда савдолар ўтказилганидан сўнг юзага келган енгиб бўлмас куч шароити таъсирида ва уларни олдиндан кўра олмаган ҳамда олдини ололмаган ҳолатларида, ЎзРВБ ички ҳужжатларида белгиланган ҳисоб-китоб қилиш муддатларини бузганликлари учун жавобгарликдан озод қилинадилар.
Енгиб бўлмас куч шароитлари деганда ёнғин, зилзилалар ва бошқа табиий офатлар, шунингдек, Давлат органлари кўрсатмалари ҳамда қабул қилган қарорларидан келиб чиқадиган бошқа шароитлар ҳамда бундан ташқари, техника ёки дастурий таъминотнинг ишдан чиқиши тушунилади.


7. Шахсий ҳисобрақамлардан кўчирмалар трейдерларга қандай ҳужжатлар асосида берилади.

“Чет эл валютасидаги операциялар бўйича Ўзбекистон республика валюта биржасининг клиринг ва ҳисоб-китоблар тизимида қатнашиш тўғрисидаги шартнома”нинг 3.4.5. бандига мувофиқ:

Трейдерларга шахсий ҳисобрақамлардан кўчирмалар олдиндан тақдим этилган банкларнинг шахсий ҳисобрақамларидан кўчирмалар олиш ҳуқуқини берувчи ишончномалар асосида берилади. Ишончномалар белгиланган кўринишда расмийлаштирилган, раҳбар, бош бухгалтер томонидан имзоланган ва банк муҳри билан тасдиқланган бўлиши керак.


8. Пул маблағларини қайтариш учун тақдим этиладиган хатларга қўйиладиган талабларни айтиб беринг?

“ЎзРВБда банклараро савдо сессияларини ўтказиш қоидалари”нинг 61 ва 62-бандларига мувофиқ:

ЎзРВБ Дилерларнинг пул маблағларини улар томонидан тақдим этилган асл нусхадаги хатларига мувофиқ қайтаришни ҳам амалга ошириши мумкин. Бунда:
агар хат соат 13-00 гача тақдим этилган бўлса, жорий иш куни давомида;
агар хат соат 13-00 дан кейин тақдим этилган бўлса, кейинги иш куни давомида.
Пул маблағларини қайтариш учун хатни расмийлаштириш ва тақдим этиш шартлари қуйидагилардан иборат:
а) пул маблағларини қайтариш учун хатлар аниқ сумма ва банк реквизитлари кўрсатилган ҳолда Дилернинг расмий бланкида расмийлаштирилиши шарт. Тўғрилаш ва бўяшларга ижозат берилмайди;
б) хатлар имзо қўйиш ҳуқуқига эга бўлган мансабдор шахслар имзолари (Дилерлар томонидан олдиндан тақдим этилган, биринчи ва иккинчи имзо қўйиш ҳуқуқидан фойдаланувчи мансабдор шахслар имзоларининг намуналари варақчасида кўрсатилган) ҳамда асосий (ёки гербли) муҳр билан тасдиқланган бўлиши шарт.
Мансабдор шахсларга вақтинча биринчи ёки иккинчи имзо ҳуқуқи берилганда, шунингдек, раҳбар томонидан ваколат берилган шахслардан бирортаси вақтинча ўзгарганда, вақтинча ваколат берилган шахснинг имзо намунаси билан амал қилиш муддати кўрсатилган қўшимча варақча тақдим қилинади. Ушбу вақтинчалик варақча раҳбар томонидан имзоланиб, муҳр билан тасдиқланади.
Дилернинг муҳри ўзгарганда, варақчада кўрсатилган имзолардан лоақал бирортаси алмаштирилганда ёки қўшилганда, янги имзолар намуналари ва муҳр изи қўйилган варақча тақдим этилади. Бекор қилинган имзолар намуналари ва муҳр изи қўйилган варақчалар Дилернинг юридик йиғмажилдига тикилади.