I-чет эл валютаси бўйича биржа савдоларига оид саволлар

2. Трейдерларнинг ЎзРВБ компьютер ахборот тармоғидан фойдаланиш бўйича ҳуқуқлари ва нималар тақиқланишини айтиб беринг?

“Ўзбекистон республика валюта биржасининг компьютер ахборот тармоғидан фойдаланиш тартиби тўғрисида”ги Низомга мувофиқ:

Ҳуқуқлари:
- Трейдерлар уларга тақдим қилинган компьютер ва алоқа жиҳозларидан иш жараёнида фойдаланиш;
- савдо тизимлари дастурий мажмуаларидан фойдаланиш;
- компьютер ва алоқа жиҳозларида носозликлар рўй берса, тармоқ маъмурига мурожаат қилиш.
Тақиқланади:

• 
  ўзига бириктирилган компьютердан бегона шахслар фойдаланишига рухсат бериш;
  
• 
  мустақил равишда дастур ўрнатиш, тизим маъмури томонидан ўрнатилган дастурларни йўқ қилиш, операцион тизимга ва иловаларга ўзгартиришлар киритиш;
  

компьютерларни, тармоқ ва периферия ускуналарини очиш, тармоқ маъмурининг ижозатисиз компьютерга қўшимча мосламаларни улаш.


3. Савдо жараёнида трейдернинг иш жойида техникавий носозлик юз берганида қандай ҳатти-ҳаракатлар бажарилади?

“Ўзбекистон республика валюта биржасида банклараро савдо сессияларини ўтказиш қоидалари”га мувофиқ:

• 
  Трейдернинг иш жойида техникавий носозлик юз берганида, у ўз вақтида кечиктирмай, ихтиёридаги алоқа воситалари орқали биржа маклерини хабардор қилиб, унга ўзи томонидан аввал киритилган буюртмаларни бекор қилишни ёки Савдо тизимида қолдиришни топширади. Биржа маклери трейдернинг топшириқларини бажариши ҳамда бу ҳақида уни ҳамда Марказий банкнинг ваколатли вакилини ихтиёридаги алоқа воситалари орқали хабардор қилиши шарт.
  

Трейдер иш жойининг одатий иш режими тикланганидан сўнг у Савдо тизимига қайта кириши мумкин.


4. Трейдер қайси ҳолларда «Ягона электрон савдолар тизими дастури»га кира олмайди?

“Ягона электрон савдолар тизими (ЯЭСТ) дастурий мажмуаси Дилер автоматлаштирилган иш жойи (АИЖ) фойдаланувчисининг йўриқномаси”га мувофиқ:

• 
  Трейдер томонидан нотўғри авторизация қилинганда, яъни нотўғри логин ёки пароль киритилганда;
  
• 
  Ягона электрон савдолар тизими дастуридан нотўғри чиқилганда;
  
• 
  Дилер томонидан трейдерларга берилган ишончномани ва трейдер сертификатини амал қилиш муддати тугаганда.