7-tema: Mektepke shekemgi jastaģı balalar rawajlanıwında «Dáslepki qádem» baģdarlamasınıń áhmiyeti

7-tema: Mektepke shekemgi jastaģı balalar rawajlanıwında «Dáslepki qádem» baģdarlamasınıń áhmiyeti
Joba
1. Mektepke shekemgi bilimlendiriw shólkemlerinde mámleketlik oqıw baģdarlamasın qollaw
2. Mektepke shekemgi bilimlendiriw shólkemlerinde oqıw processiniń maqseti hám principleri
3. Mektepke shekemgi jastaģı balalarģa bilim beriwde kompetenciyalıq kóz-qaras
4. Oqıw tárbiyalıq process
Mektepke shekemgi bilimlendiriw mákemesiniń mámleketlik oqıw dástúri («MShBSh mámleketlik oqıw baģdarlaması») Ózbekstan Respublikasınıń dáslepki hám mektepke shekemgi jastaģı balalardı rawajlandırıwģa qoyılatuģın mámleketlik talaplarına muwapıq islep shıģılģan normativ huquqıy hújjetler bolıp, onda, mektepke shekemgi bilimlendiriw mákemesiniń maqseti hám wazıypaları, oqıw tárbiyalıq xızmetiniń tiykarģı ideaları sáwlelengen, sonday-aq balanıń bilimniń keyingi basqıshına ótiwdegi tiykarģı kompetenciyaları belgilengen.
MShBSh mámleketlik baģdarlaması Ózbekstan Respublikası aymaģında jaylasqan tómendegi bilim beriw mákemelerinde qollanıw ushın májbúriy bolıp tabıladı.
-mámleketlik mektepke shekemgi bilimlndiriw shólkemleri;
-mektepke shekemgi bilimlendiriw tarawında xızmet etiwshi mámleketlik emes mákemeler;
-mektepke shekemgi jastaģı balalar toparlarına iye bolģan «Mehribanlıq» balalar úyleri;
-mektepke shekemgi hám baslawısh tálimdi qadaģalawdı názerde qadaģalawshı basarıw organları.


1.1. MShBSh da mámleketlik oqıw dástúrin qollaw
MShBSh mámleketlik dástúri variativ oqıw dástúrlerin jaratıwda májbúriy tayanısh hújjet bolıp esaplanadı.
Bilim beriw mákemeleri, mektepke shekemgi bilimlendiriw ministrligi tárepinen tastıyıqlanģan oqıw dástúrlerinen paydalanıw huquqına iye.
Mektepke shekemgi bilimlendiriw mákemesi mámleketlik oqıw dástúri negizinde óziniń MShBSh isshi oqıw dástúrin islep shıģıw huquqına iye. Bilimlendiriw mákemesiniń isshi oqıw dástúri mákeme pedagogları tárepinen ata-analardı tartqan halda dúziledi hám ámeldegi nyazamshılıq tártibinde tastıyıqlanadı.