7-tema: Mektepke shekemgi jastaģı balalar rawajlanıwında «Dáslepki qádem» baģdarlamasınıń áhmiyeti

3.1. Mektepke shekemgi jastaģı (6-7 jas) balanıń ulıwmalıq kompetenciyaları.
Kommunikativ kompetenciya-sóylesiw qurallarınan hár túrli jaģdaylarda paydalanıp biliw kónlikpesi.
Oyın kompetenciyası-balanıń oynaw processi hám onı shólkemlestiriwdegi tájiriybe, bilim hám kónlikpelerden dóretiwsheńlik penen paydalanıw. Oqıw tárbiyalıq processi ushın tiykar bolıp esaplanadı.
Sociallıq kompetenciya-ómirdegi jaģdaylarda úlkenler hám teńlesleri menen sóyleskende tárbiya qaģıydaları hám normalarına ámel qılģan halda ózin tutıp biliw sheberligi.
Biliw kompetenciyası-dógerektegi álemdi aqıl menen túsiniw hám alınģan bilim, kónlikpe, tájiriybe hám qádiriyatlardan oqıw hám ámeliy wazıypalardı sheshiwde paydalanıw.


3.2. Balanıń rawajlanıw tarawlarınıń kompetenciyaları.
Balanıń kompetenciyaları bala rawajlanıwınıń tómendegi basqıshlarında belgilenedi.
-fizikalıq rawajlanıw hám salamat turmıs táriziniń qáliplesiwi;
-socilıq sezimlerdiń rawajlanıwı;
-sóylew, sóylesiw, oqıw hám jazıw kónlikpeleri;
-biliw processiniń rawajlanıwı;
-dóretiwshiliktiń rawajlanıwı.


3.2.1. «Fizikalıq rawajlanıw hám salamat turmıs táriziniń qáliplesiwi» basqıshı kompetenciyaları.
«Fizikalıq rawajlanıw hám salamat turmıs táriziniń qáliplesiwi» basqıshında oqıw tárbiyalıq jumıslar juwmaqlanģannan soń 6-7 jasar bala:
-óz imkaniyatları hám jası menen baylanıslı fizikalıq rawajlanıw normalarına say túrde fizikalıq jaqtan belsendilik kórsetedi;
-hár túrli háreketsheńlik islerin jámlegen halda hám maqsetli orınlawdı biledi;
-hár túrli ómirlik hám oqıtıw barısında mayda motorika kónlikpelerinen paydalanadı;
-óz háreketlerin sezimlerin hám seziw organları járdeminde basqaradı;
-jeke gigiena kónlikpelerin qollanadı;
-salamat turmıs tárizi hám awqatlanıw qaģıydaların biledi;
-qáwipsiz ómir iskerligi tiykarındaģı qaģıydalarģa boysınadı.