7-tema: Mektepke shekemgi jastaģı balalar rawajlanıwında «Dáslepki qádem» baģdarlamasınıń áhmiyeti

2.3. Qosımsha bilim beriw xızmetlerin shólkemlestiriw.
Qosımsha oqıtıw xızmetleri mektepke shekemgi bilimlendiriw mákemesi tárepinen, olardıń óz imkaniyatlarınan kelip shıqqan halda, balalar hám xalıqtıń talaplarına say túrde shólkemlestiriledi.
Qosımsha oqıtıw xızmetleri fakul’tetiv bolıp esaplanadı hám olardı shólkemlestiriwde kewilliler (volontyorlar), ata-analar hám qáwenderler qatnasıwı múmkin.
2.4. Ayrıqsha talapqa iye bolģan balalar ushın mólsherlengen oqıtıw xızmeti.
Mektepke shekemgi bilimlendiriw mekemesinde ayrıqsha talapqa iye bolģan balalardı qollap-quwatlaw, keń jámáátshiliktiń jums esaplanadı hám onıń ámelge asırıw ushın mektepke shekemgi bilimlendiriw mákemesi baslıģı juwapker boladı.
Zárúrlik bolsa, pedagoglardıń quramı hám mektepke shekemgi bilimlendiriw mekemesi basshılıģı, kishi qániygeliktegi qániygelerdi tartqan halda, bala (onıń rawajlanıwı) ushın oqıw tárbiyalıq processiniń jeke tártiptegi rejesin dúzedi.
2.5. Ata-analar menen birge islesiw.
Balalardıń hár tárepleme rawajlanıwın támiyinlew ushın mektepke shekemgi bilimlendiriw mekemesi ata-analar menen óz-ara birgelikte islesiwdiń tómendegi formaların shólkemlestiriwi múmkin:
-ata-analardıń mektepke shekemgi bilimlendiriw mekemesi jumısı haqqındaģı pikirlerin esapqa alıw;
-dáslepki rawajlanıw máselelerinde ata-analarģa bilim beriw
-ata-analardı oqıw tárbiyalıq processinde belsene qatnasıwģa tartıw;
-ata-analardıń MShBSh ómirinde qatnasıwı barısındaģı erkin qollap-quwatlaw.


3-bab. Mektepke shekemgi jastaģı balalarģa bilim beriwde kompetenciyalıq kóz-qaras.
Mektepke shekemgi jastaģı balalarģa bilim beriwde kompetenciyalıq kóz-qarasta ósip atırģan bala shaxsın ómirge tayarlaw, onda ómirdegi zárúr máselelerdi sheshiw ushın zárúr bolģan tárbiya normaların hám qádiriyatlardı ózlestiriw, basqalar menen sóylesiw, «Men» obrazın kóriw menen baylanıslı bolģan xızmet usılların qáliplestiriwge tayarlıqtı názerde tutadı.
Dáslepki zárúr kompetenciyalar balanı xızmet hám tárbiya subekti sıpatında anıq rawajlanıwın talap etedi.
Kompetenciya balanıń bilim, kónlikpe, tájiriybe hám qádiriyatlarınıń jıyındısı bolıp esaplanadı. Dáslepki kompetenciyalar, rawajlanıw tarawınan qátiy názer, bala shaxsınıń qáliplesiwi ushın tiykar bolıp xızmet etedi.