7-tema: Mektepke shekemgi jastaģı balalar rawajlanıwında «Dáslepki qádem» baģdarlamasınıń áhmiyeti

3.2.5. «Dóretiwsheńlik rawajlanıwı» basqıshı konpetenciyası.
«Dóretiwsheńlik rawajlanıwı» basqıshındaģı oqıw tárbiyalıq jumıslar juwmaqlanģannan soń 6-7 jasar bala:
-kórkem-óner hám mádeniyatqa qızıģıwshılıģın kórsetedi;
-milliy dástúrlerdi qádirleydi hám olardı kúndelikli ómirdiń bir bólegi sıpatında túsinedi;
-ónerdiń belgili bir túrin abzal kóredi hám erkin túrde kórsete aladı;
-alınģan bilim hám kónlikpelerden hár túrli jaģdaylarda óziniń dóretiwsheńlik rejelerin dúziw hám en jaydırıw ushın paydalanadı;
-insanniń dúnyanı ózgertiriwdegi jaratıwshańlıq rolin túsinip baslaydı.


4-bab. Oqıw tárbiyalıq process.
Oqıw tárbiyalıq process «Ózbekstan Respublikasınıń dáslepki hám mektepke shekemgi jastaģı balalardıń rawajlanıwına qoyılģan mámleketlik talapları» tiykarında ámelge asırıladı.
Mektepke shekemgi bilimlendiriw mekemesi oqıw tárbiyalıq processin oqıw jılı boyınsha shólkemlestiredi.
Oqıw jılı 2-sentyabrde baslanadı hám 31-mayģa shekem dawam etedi.
1-iyunnan 31-avgustqa shekem MShBShda jazģı salamatlastırıw dáwiri shólkemlestiriledi.


4.1. Oqıw tárbiyalıq processti rejelestiriw.
Oqıw tárbiyalıq process topardıń kúndelikli jumıs tártibine súyenedi hám onda pedagog tárepinen rejelestirilgen kúndelikli háreketler, balalar oyınları, bos waqıt hám oqıw tárbiyalıq jumıs túrleri gezeklesip ámelge asırıladı.
Oqıw tárbiyalıq process oqıw hám sociallıq talaplar (salamatlıq, awqatlanıw hám qáwipsizlik)dı qanaatlandırıw maqsetinde balanıń jası hģám individual rawajlanıwına tiykarlanıwshı oqıw rejesine muwapıq alıp barıladı. Oqıw tárbiyalıq process balanıń ómiri hám onıń dógeregindegi ortalıqtan kelip shıģıwshı jeke bir pútin temaģa birlestiriledi.
Oqıw tárbiyalıq processti rejelestiriw oqıtıw shárayatlarına da baylanısqan halda integraciya, hár túrlilik hám maslashıwshańlıq principlerinen quraladı.
Oqıw tárbiyalıq processte tómendegi rejelestiriw túrleri qollanıladı:
-jıllıq temalar;
-háptelik.
Rejelestiriwde oqıtıw processiniń teması, maqsetleri, mazmunı hám túrleri jarıtıladı. Process túrlerin tańlawda tek ģana oqıw tárbiyalıq processtiń ulıwmalıq maqsetleri emes, al rawajlanıw basqıshları boyınsha da maqsetler, jumıs túrleri, mazmunı hám integraciyalawda esapqa alınadı.
Rejelestiriwde kún tártibin esapqa alıw kerek boladı. Kún tártibi jumıstıń nátiyjeliligin belgileydi hám balaģa bir jumıstan basqasına ótiwinde járdem beredi. Oyın mektepke shekemgi jastaģı balalardıń tiykarģı jumıs túrlerinen esaplanatuģınlıģında yadımızda tutıwımız tiyis. Kún tártibin dúziwde kúndizgi uyqı, dem alıw waqıtı hám seyilge shıģıw waqıtı da esapqa alınadı.