1 -мавзу. Касбий компетентлик фанининг мазмуни, моҳияти, ўрганишнинг аҳамияти «Касбий компетентлик»

1 -Мавзу. Касбий компетентлик фанининг мазмуни, моҳияти, ўрганишнинг аҳамияти

1. «Касбий компетентлик» фанининг мазмуни, моҳияти, ўрганишнинг аҳамияти. «Компетенция» ва «компетентлик» тушунчаларининг моҳияти.

2. Бошқарувчининг таянч компетенциялари. Бошқарувчига хос билимдонлик даражалари. Замонавий раҳбар қиёфаси.
3. Ходимлар адаптацияси. Адаптация жараёни боскичлари.
4. Мутахассис касбий компетенциясини шакллантирувчи омиллар.


Таянч иборалар: “компетенция”, “компетентлик”, “касбий компетентлик”, “ўзини ўзи таҳлил қилиш”, “ўз устида ишлаш”, “ўзини ўзи таҳлил қилиш”, “ўзини ўзи баҳолаш”, “ўз-ўзини ривожлантириш”, “индивидуал ривожланиш дастури”.


1. «Касбий компетентлик» фанининг мазмуни, моҳияти, ўрганишнинг аҳамияти. «Компетенция» ва «компетентлик» тушунчаларининг моҳияти. Бозор муносабатлари шароитида меҳнат бозорида устувор ўрин эгаллаган кучли рақобатга бардошли бўлиш ҳар бир мутахассисдан касбий компетентликка эга бўлиш, уни изчил равишда ошириб боришни тақозо этмоқда. Хўш, компетентлик нима? Касбий компетентлик негизида қандай сифатлар акс этади? Раҳбар ўзида қандай компетентлик сифатларини ёрита олиши зарур. Айни ўринда шу ва шунга ёндош ғоялар юзасидан сўз юритилади.

“Компетентлик” (ингл. “competence” – “қобилият”) – фаолиятда
назарий билимлардан самарали фойдаланиш, юқори даражадаги
касбий малака, маҳорат ва иқтидорни намоён эта олиш




“Компетентлик” тушунчаси таълим соҳасига психологик илмий изланишлар натижасида кириб келган. Психологик нуқтаи назардан компетентлик “ноанъанавий вазиятлар, кутилмаган ҳолларда мутахассиснинг ўзини қандай тутиши, мулоқотга киришиши, рақиблар билан ўзаро муносабатларда янги йўл тутиши, ноаниқ вазифаларни бажаришда, зиддиятларга тўла маълумотлардан фойдаланишда, изчил ривожланиб борувчи ва мураккаб жараёнларда ҳаракатланиш режасига эгалик”ни англатади.