1 -мавзу. Касбий компетентлик фанининг мазмуни, моҳияти, ўрганишнинг аҳамияти «Касбий компетентлик»

4)Мотивацион қўллаб-қувватлаш– раҳбардаги ходимларнинг ўз ишига садоқатини мустаҳкамлай олиш компетенцияси.
Ушбу компетенцияга эга раҳбар:
а)ходимларнинг ютуқларини тан олади ва уларни тақдирлайди;
б)ходимларга бажарган ишлари учун миннатдорчилик билдиради;
c)ходимлар ўз ютуқларидан қониқиш ҳосил қилишлари учун гуруҳ билан фахрланишини очиқдан очиқ айтади;
д)ходимларнинг ишдан хурсанд бўлишлари учун турли ижодий усулларни ўйлаб топади;
е)барча муҳим тадбирларда шахсан ўзи қатнашади;
ф)зиддиятли вазиятларни тез ҳал этади ва йўқотади;
г)ходимлар фаолиятини жонлантириш учун суҳбатлар ва презентасия (тақдимот)лар ўтказади.
Услубий компетенциялар:
1)Қўл остидагиларнинг имкониятларини ривожлантириш– раҳбардаги масъулиятни ҳис этиш, командада ишлаш, ходимларнинг имкониятларини ривожлантиришга ёрдам бериш хусусияти.
Иқтисодиёт субъекти бошқарувчисига хос услубий компетенциялар (6.2-расм).
Ушбу компетенцияга эга раҳбар:
а) ҳар бир ходимнинг характеридан келиб чиққан ҳолда муомалада бўлади;
б)қўл остидагиларининг кўпроқ муваффақиятга эришишларига ёрдамлашиш мақсадида маълумот, маслаҳат ва таклифларни бўлишади ҳамда тренингнинг самарадорли-гини таъминлайди;
c)ходимларнинг имкониятларини оширишга кўмаклашадиган топшириқларни бера олади;
д)қўл остидагиларнинг ривожланишини таҳлил қилиш учун мунтазам равишда улар билан учрашиб туради;е)касбий ўсиш (карера) ва комилликка йўналтирилган хатти-ҳаракатларни кенгайтиради;
ф)қўл остидагиларнинг муваффақиятга эриша олишларига ишонч билдиради.
2)Атрофдагиларга таъсир ўтказиш– раҳбарнинг ўз ғоялари, мақсадлари, лойиҳалари ва қарорларига ҳамфикр ва қўллаб-қувватловчиларни топа олиш қобилияти.
Ушбу компетенцияга эга раҳбар:
а)ҳар томонлама фойдали қарорларни топа олади;
б)қўллаб-қувватлашларига таяниш мақсадида қарор қабул қилиш жараёнига атрофдагиларни жалб қилади;
c)келишувга эришиш мақсадида муқобил қарорларни таклиф этади ва фикр алмашади;
д)вазиятнинг барча қатнашувчилари учун фойдали қа-рорларни топади ва таклиф қилади;
е)експертларни ёки учинчи томонни бошқаларга таъсир ўтказишга қизиқтиради;
ф)атрофдагиларга таъсир кўрсатишнинг бошқа билвосита усулларини ўйлаб чиқади;
г)кутилган ҳаракатни амалга ошириш ва кутилган натижага эришиш эҳтимоллигини ошириш мақсадида, воқеаларнинг бориши ва қатнашувчи одамлар ҳолатини ҳисобга олган ҳолда вазиятни таркиб топтиради;
г)атрофдагиларда яхши таассурот қолдиришга ҳаракат қилади;
и)ҳақиқатда қарор қабул қиладиган одамларни, шунингдек, ўзига таъсир ўтказа оладиганларни ажратади ва бор кучини ўшаларга йўналтиради;
ж)ахборот, интеллект, карера, бизнес мулоқот ва ёрдамнинг бошқа турларини намоён қила оладиган шахслар билан муомала ўрнатишга ҳаракат қилади;
к) атрофдагиларнинг шахсий ҳаётлари (масалан, қизиқишлари, хавотирлари, оиласи, дўстлари) билан қизиқади ва улар билан яхши муносабатлар ўрната олади.