Зиѐвуддин Раҳим, Одилхон қори Юнусхон ўғли

2-ОМИЛ. АЛЛОҲ ЙЎЛИДА ИНФОҚ-ЭҲСОН ҚИЛИШ 
Аллоҳ таоло айтади: 
"-------------------------------- Арабий матн----------------------------------" 
(Эй Муҳаммад соллаллоҳу алайҳи ва саллам,) 
айтинг: “Албатта, Раббим бандаларидан Ўзи 
хоҳлаган кишилар ризқини кенг қилади, 
(Ўзи хоҳлаган кишилар ризқини)
 танг қилади. Сизлар бирон 
нарсани инфоқ қилсангиз, У Зот унинг ўрнини тўлдиради. У ризқ берувчиларнинг энг яхшисидир”
(“Сабаъ” сураси, 39-оят). 
Яъни, эй Муҳаммад (соллаллоҳу алайҳи ва саллам), одамларга айтинг: Аллоҳ бандалари ўртасида 
ризқларни тақсимлайди. У Ўзи истаган бандалари ризқини маълум ҳикматга кўра кенг қилади, истаган 
бандаси ризқини тор қилади. Аммо сизлар камбағалликдан қўрқманг, Аллоҳ йўлида инфоқ қилиб, 
бойликларингиз билан У Зотга яқинлашинг. Агар Аллоҳ ризоси учун бирон нарса инфоқ қилсангиз, бунинг 
эвазига дунѐда кўп мол-дунѐга, охиратда мислсиз ажр-савобларга эришасиз. Зеро, Аллоҳ энг яхши 
ризқлантирувчи Зотдир. У сизга ўйламаган тарафингиздан ҳалол ризқ етказади. 
Жобир ибн Абдуллоҳ розияллоҳу анҳу Набий соллаллоҳу алайҳи ва салламдан ривоят қилади: 
“Банда инфоқ қилган ҳар бир нарса ўрнини тўлдириш Аллоҳ зиммасидадир. Фақат бино (қуриш) ѐки 
маъсиятга қилинган сарф-харажат бундан мустасно” (Байҳақий “Шуабул имон”да ривоят қилган). 
Зубайр ибн Аввом розияллоҳу анҳу Набий соллаллоҳу алайҳи ва салламдан ривоят қилган ҳадиси 
қудсийда: “Ризқ эшиги етти осмон устидан очиқдир. У Аршгача етиб борган. Ўша эшик туну кун 
ѐпилмайди. Аллоҳ ҳар бир бандага нияти, сарф(-харажат)и, садақа бериши, инфоқ қилишига қараб ўша 
ризқдан (ерга) туширади. Шундай экан, ким (садақани) кўпайтирса, унга ҳам (ризқи) кўпайтирилади. Ким 
камайтирса, унга ҳам камайтирилади. Ким (бермасдан, бахиллик қилиб) ушлаб қолса, ундан ҳам (барака, 
кенг ризқ) ушлаб қолинади”, дейилган (Ҳаким Термизий ривояти). 
Аллоҳ таоло айтади: 
"-------------------------------- Арабий матн----------------------------------"