Зиѐвуддин Раҳим, Одилхон қори Юнусхон ўғли

---

Ризқ калитлари
 
* * * * * 
Нажот келтирувчи 
дуолар 
Муаллифлар: 
Зиѐвуддин Раҳим, Одилхон қори Юнусхон ўғли 
www.ziyouz.com kutubxonasi

---

2 
БИСМИЛЛАҲИР РОҲМАНИР РОҲИЙМ! 
МУҚАДДИМА 
Бизга зоҳирий, ботиний неъматларини комил қилиб берган, чексиз марҳамат соҳиби Аллоҳ таолога 
ҳамду санолар айтамиз! 
Башариятни ҳақ йўлга бошлаган муаллим Пайғамбаримиз Муҳаммад Мустафога, у зот оила 
аъзоларига, саҳобаларига салавотлар, саломлар йўллаймиз! 
Маълумки, Аллоҳ таоло Ўзи яратган мавжудотлар ризқ-насибасини етказиб туришни ваъда қилган. 
Шундай бўлса-да, ризқ топиш, тирикчилик қилиш инсон диққат марказида туради, вақти келса, тинчини 
бузади, ғам-ташвишга солади, оромини ўғирлайди. Ризқ топишга, бойлик тўплашга қандай муносабатда 
бўлиш эътиқодга боғлиқ. Мўмин киши биринчи галда ниятини тўғрилаб олади, бошқалар кундалик вазифа 
деб биладиган ишларни бажариш орқали катта ажр-савобларга эришади. Дин-диѐнатсиз кимса эса фақат 
ўткинчи ҳузур-ҳаловатни кўзлайди, иложи борича беш кунлик дунѐда роҳат-фароғатда яшаб қолишга 
интилади. 
Атрофга теранроқ назар ташласак, кўп мўмин-мусулмонлар ризқ ҳақида тўғри қарашга эгамаслигини 
кўрамиз. Ҳатто баъзилар “Ислом аҳкомларига риоя этиш, Аллоҳ ва Расули (соллаллоҳу алайҳи ва саллам) 
айтганини қилиш ризқни камайтиради. Моддий фаровонликка эришиш учун баъзи ҳукмларни четлаб 
ўтмаса бўлмайди”, дейди. Аслида-чи? Агар одамлар Ислом шариатига тўғри амал қилишса, дунѐда ҳам, 
охиратда ҳам бахтга эришишлари шубҳасиз. Зеро, шариат ҳукмлари бандалар икки дунѐда саодатли 
бўлишлари учун жорий этилган. Меҳрибон Парвардигоримиз ризқ талаб этишда, касб-кор қилишда ҳам 
бизга кўрсатмалар берган, ризқ эшикларини очиш йўлларини ўргатган. Агар мусулмон киши бунга риоя 
этса, қийинчиликдан чиқиб кета олади, кенг ризққа, фаровон ҳаѐтга етишади. 
Қўлингиздаги китобда ризқ, барака, бойлик, қаноат масалалари ѐритилган, шариатнинг ризқ излаш 
борасидаги йўл-йўриқлари келтирилган. Жумладан, мўмин киши ризқ ҳақида қандай эътиқодда бўлиши 
керак? Нима сабабдан Аллоҳ ҳамманинг ризқини кенг қилиб қўймайди? Нима қилса, ризққа барака киради? 
Мўмин киши дунѐда ҳам, охиратда ҳам бахтли бўлиши учун нима қилиш керак? Динимизда бойлик 
тўплашга қандай қаралади? Ҳақиқий бойлик нима? каби саволларга ушбу китобдан жавоб топасиз, деган 
умиддамиз. Аллоҳ таоло барчамизга икки дунѐ саодатини насиб этсин!