Зиѐвуддин Раҳим, Одилхон қори Юнусхон ўғли

“Эй имон келтирганлар, на мол-дунѐларингиз ва на бола-чақаларингиз сизларни Аллоҳнинг 
зикридан 
(яъни, Аллоҳга ибодат қилишдан)
юз ўгиртириб қўймасин! Ким шундай қилса, ана ўшалар 
зиѐн кўрувчилардир!”
(“Мунофиқун” сураси, 9-оят). 
Яъни: эй, ҳақиқий имон келтирган бандалар, қўлингиздаги мол-дунѐ, бойлик, мансаб-мартаба, шон-
шуҳрат, фарзандлар ташвиши сизни Аллоҳга ибодат қилишдан, итоат этишдан тўсиб қўймасин. Ким 
ибодатдан дунѐ зеб-зийнатларини афзал билса, ўшалар қиѐмат куни зиѐн кўрувчидир. 
Бошқа оятда шундай дейилган: 
"-------------------------------- Арабий матн----------------------------------" 
“Сизларнинг мол-мулкларингиз, бола-чақаларингиз фақат бир фитна 
(имтиҳон)
дир, холос. 
Улуғ ажр-мукофот эса Ёлғиз Аллоҳ ҳузуридадир”
(“Тағобун” сураси, 15-оят). 
Яъни, Биз сизларни мол-дунѐ, бола-чақа билан имтиҳон қиламиз. Шундай экан, бойлик деб 
ибодатимдан юз ўгирманглар. Зеро, амримга бўйсунган, мол-дунѐси, фарзандлари билан ғурурга кетмаган, 
Мени унутмаган солиҳ бандаларим учун жаннат мукофоти бор. У нақадар яхши жой! 
Аллоҳ таоло бандаларга бойлик, бола-чақа бериб синайди. Ким Аллоҳга итоат этади, ким исѐн 
қилади, ҳаммаси шунда билинади. Инсон мана шу икки неъматдан яхшилик йўлида фойдаланса, улуғ ажр-
савоб олади, юқори даражаларга кўтарилади. Аммо, кўпинча бойлик тўплаш, фарзандлар ташвиши кишини 
гуноҳ-маъсиятга ундайди. 
Ибн Масъуд розияллоҳу анҳу айтади: “Сизлардан бирон киши зинҳор: “Эй Аллоҳ, мени 
фитналардан асра”, деб дуо қилмасин. Зеро, сизлардан бирон киши йўқки, фитна билан ўралмаган бўлса. 
Чунки Аллоҳ таоло: “Сизларнинг мол-мулкларингиз, бола-чақаларингиз фақат бир фитна (имтиҳон)дир, 
холос” деган. Аммо ким фитнадан паноҳ сўрамоқчи бўлса, унинг ѐмонлигидан паноҳ тиласин” (Табароний, 
Ибн Мунзир ривояти). 
Аллоҳ таоло айтади: 
"-------------------------------- Арабий матн----------------------------------"