Зиѐвуддин Раҳим, Одилхон қори Юнусхон ўғли

энг гўзаллари сабаб мукофотлаши, яна уларга Ўз фазлу карами билан зиѐда 
(савоблар ато)
этиши 
учун 
(эртаю кеч Аллоҳга ибодат қилишади)
. Аллоҳ Ўзи хоҳлаган кишиларга беҳисоб ризқ беради”
(“Нур” сураси, 37-38-оятлар).
Масжидларни обод қилувчи кишиларни ҳеч нарса – тижорат, савдо-сотиқ, олди-сотди, бойлик, 
дунѐнинг ўткинчи ҳою ҳаваслари Аллоҳни зикр қилишдан, намозни мукаммал ўқишдан тўса олмайди. 
Чунки улар Аллоҳ тарафидан бериладиган ажр-савоблар, жаннат неъматлари ўткинчи бойликдан 
яхшилигини билишади. Улар Аллоҳга бўйсунишни, У Зот муҳаббатига эришишни нафсларидан устун 
қўйишади. Чунки қалблар, кўзлар даҳшатдан саросимага тушиб қоладиган қиѐмат кунидан қўрқишади. Шу 
нарса ҳою ҳавасдан, нафсга мутеъ бўлишдан қайтаради. Бунинг эвазига Аллоҳ уларни муносиб 
мукофотлайди, амалларини ҳусни қабул қилади, гуноҳларини кечиради, Ўз фазли билан янада кўп ажр-
мукофотларни, бойликни кўпайтиради. Зеро, Аллоҳ хоҳлаган бандасига ҳисобсиз ризқ беради. 
Энди мол-дунѐ ҳақида улуғлар томонидан айтилган айрим қавлларни келтирамиз. 
Абдуллоҳ ибн Умар розияллоҳу анҳу: “Худди абадий яшайдигандек дунѐйинг учун ҳаракат қил. Гўѐ 
эртага ўладигандек охиратинг учун амал қил”, деган. 
Саид ибн Мусайяб айтади: “Ҳалол йўл билан бойлик йиғишни хоҳламаган, шу тариқа одамлардан 
беҳожат бўлишга, қариндошлик алоқаларини боғлашга, бойлик ҳақини адо этишга ҳаракат қилмаган 
бандада яхшилик йўқ”. 
www.ziyouz.com kutubxonasi

---

65 
Абу Солиҳ Асадий шундай деган: “Дунѐ ва охират яхшилигини тақвода, бойликда, дунѐ ва охират 
ѐмонлигини камбағалликда, фужур (ишлар)да деб билдим”. 
Суфѐн Саврий: “Бизнинг замонда бойлик мўминнинг қуролидир”, деб айтган. 
Ҳасан ибн Абдураҳмон ривоят қилади: “Баъзи ҳаким зотларга: “Уламолар афзалми ѐки бойлар?” деб 
савол берилганида, “Уламолар”, деб жавоб беришибди. Шунда: “Унда нима учун бойлар олимлар ҳузурига 
келиш ўрнига уламолар бойлар олдига боради?” деб савол қилинганида, улар: “Чунки уламолар бойлик 
фазлини билишади. Бойлар эса илм қадрига етишмайди”, деб жавоб берилган экан”. 
Ибн Абу Утба ривоят қилади: “Салмон бозордан бир васақ (олтмиш соъ) таом сотиб олди. Одамлар 
унга: “Бир васақ таом сотиб олдингизми?!” дейишди. Шунда у: “Агар нафс насибасини ғамлаб қўйса, 
хотиржам бўлади”, деб жавоб берди”.