Зиёвуддин Раҳим 2 бисмиллаҳир роҳМАНир роҳийм!

ФАРИШТАЛАРГА ИМОН КЕЛТИРИШ ФОЙДАЛАРИ 
1. Фақат мўмин банда фаришталар борлигига, уларнинг сифатларига, вазифаларига ишонади. 
Аллоҳга имони бор инсон фаришталарга ҳам имон келтиради. Имонли банда ўзига фаришталар 
бириктирилганига, Аллоҳнинг изни билан уни муҳофаза қилишларига ишонади. 
2. Ўзи билан фаришталар доим бирга юришига, қилаётган барча ишларини, айтаётган гапларини 
ёзиб боришига ишонган одам фақат яхшилик қилади, ёмонликдан йироқ бўлади. Бундай ҳис-туйғу ҳар 
бир инсон, ҳар бир жамият учун жуда зарур. Чунки қилаётган ишини фаришталар ёзиб бораётганини 
билган киши бировнинг ҳаққидан қўрқади, хиёнат қилмайди, ҳеч ким билмаса ҳам, кўрмаса ҳам қинғир 
ишларга қўл урмайди, вазифасини сидқидилдан адо этишга ҳаракат қилади. 
3. Инсонни ҳайвондан ажратиб турадиган нарсалардан бири ғайбга, жумладан, фаришталарга имон 
келтиришдир. Фаришталар борлигига ишонган банда ҳис қилиш аъзолари чегарасида, тор қобиқда 
ўралиб қолмайди, балки тасаввур доираси кенгроқ бўлади. 
Савол-жавоблар 
Савол:
Фаришталар макони қаерда? 
Жавоб:
Кўпроқ осмонда. Фақат Аллоҳ таолонинг буйруқларини бажариш учун ер юзига тушишади. 
Жумладан, маълум фаришталар ердаги бандалар қилаётган амалларини ёзиб боради, Аллоҳнинг амри 
билан уларни турли шикаст-балолардан сақлайди. 
Савол:
Ваҳий келтирувчи фаришта исми аслида қандай? Баъзилар “Жаброил” ёки “Жибрил”, 
айримлар “Жиброил” ҳам дейишади. Булардан қайси бири тўғри? 
Жавоб:
Юқорида келтирилган уччала исм ҳам манбаларда ишлатилади. Бироқ, бизда асосан 
“Жаброил” номи машҳур бўлган. Бу, талаффузга ҳам қулай. Шунинг учун ваҳий фариштаси номини 
бизда кўпчилик “Жаброил” деб қўллайди. 
9
Ривоятда зикр қилинаётган Умму Дардо кичик Умму Дардодир. У тобеин аёллардан саналади. Исми – Ҳужайма бинти 
Ҳуяй Вассобия. У Абу Дардо розияллоҳу анҳунинг завжасидир. Кичик Умму Дардо олима, фақиҳа бўлган, илми, амали, зуҳду 
тақвоси билан танилган. Маълумот ўрнида айтиб ўтамиз: катта Умму Дардо розияллоҳу анҳонинг исми Хайра бинти Абу 
Ҳадраддир. 

---

36