Зиёвуддин Раҳим 2 бисмиллаҳир роҳМАНир роҳийм!

Савол:
Тугун оши қилиш муаммолардан қутулишга ёрдам берадими? 
Жавоб:
Йўқ. Бошига ташвиш тушганда тугун оши қилиш ҳеч қанақа фойда бермайди. Қийин 
дамларда нима қилиш кераклиги Динимизда кўрсатилган. Унга кўра, бошига юмуш тушган, қийин 
вазиятда қолган одам дуо қилади, намоз ўқийди, кўпроқ салавот, истиғфор айтади. Шунда Аллоҳ унга 
енгиллик беради, мушкулини аритади. 
Савол:
Кўз учиши, кафт қичиши бирон нарсага далолат қиладими? 
Жавоб:
Халқимиз орасида кўз учиши, қўл қичиши билан боғлиқ айрим ирим-сиримлар тарқалган. 
Кўз учса, “Бирон кор-ҳол бўлади”, деб хавотир олишади, қўлнинг кафт қисми ёки бурун қичишганда 
“Қўлга пул тушаркан”, деб айтишади. Аслида бунинг инсон тақдирига ҳеч қандай алоқаси йўқ. 
Савол:
Домлага бориб, дам солдирса бўладими? Бунинг ҳукми қандай? 
Жавоб:
Шариатимизда дам солдириш жоиз. Фақат бунинг маълум шартлари бор. Яъни, Қуръони 
карим оятлари, саҳиҳ ҳадислар билан – иложи бўлса – араб тилида ёки маъноси тушунарли бирон тилда 
дам солиш, солинаётган дам фақат Аллоҳ изни билан фойда беради, деган эътиқодда бўлиш лозим. 
Арабчани тўғри ўқий оладиган ҳар бир мўмин банда (ўзига-ўзи ёки бошқа одамга) дам солиши 
мумкин. Дам солдириш учун домлага бориш шарт эмас. Аммо, ўзи арабчани билмаса, Қуръонни, 
дуоларни бехато ўқий олмаса, ишончли, бидъат-хурофотлардан узоқ, илмли, тақволи кишига дам 
солдиргани маъқул. 
Жавоб:_Илмига_амал_қиладиган_уламолар_камайишида,_жаҳолат_авж_олишида._Савол'>Савол:
Бидъат-хурофотлар кўпайиши сабаби нимада? 
Жавоб:
Илмига амал қиладиган уламолар камайишида, жаҳолат авж олишида. 
Савол:
Бидъатга қарши қандай курашиш мумкин? 
Жавоб:
Илм олиш, илмига амал қилувчи уламолар этагини маҳкам ушлаш, фарзандларга Ислом 
ақидасини, одоб-ахлоқини, солиҳлар ҳаётини ўргатиш билан. 
ҲАЛОЛ ВА ҲАРОМ 
Аллоҳ таоло рухсат этган нарсалар, ишлар Ислом шариатида “ҳалол” дейилади. Шариатимизда 
ижозат этилган ҳамма нарса, жумладан, покиза таомлар ёки қилиш мумкин ишлар ҳалол саналади. Аллоҳ 
таоло ҳалол қилган ишлар одамлар учун фойдалидир. 
Аллоҳ таоло бандаларини ҳалол яшашга: ҳалол ризқ топишга, ҳалол нарсаларни еб-ичишга 
буюрган. Жумладан, “Мўминун” сурасининг 51-оятида шундай дейилган: 
“-------------------------Арабча матн---------------------------”