Зиёвуддин Раҳим 2 бисмиллаҳир роҳМАНир роҳийм!

БИДЪАТ-ХУРОФОТЛАР КЕЛИБ ЧИҚИШИ САБАБЛАРИ 
1. Қуръонда, суннатда келган ҳукмларни билмаслик. 
2. Шариат мукаммаллигини, нуқсонсизлигини англаб етмаслик. 
3. Қуръоннинг муҳкам, муташобеҳ оятларини, суннатнинг аслини, саҳиҳини билмаслик. 
4. Ақлга ҳаддан ташқари ишониб юбориш. 
5. Ҳавойи нафсга эргашиш. 
6. Урф-одатларни маҳкам ушлаб олиб, шариат йўлига юрмаслик. 
7. Ота-боболар қилиб келган ҳар қандай ишни диндан деб билиш, уларга кўр-кўрона эргашиш. 
БИДЪАТ-ХУРОФОТЛАРДАН ҚУТУЛИШ ЙЎЛЛАРИ 
1. Қуръони каримни, ҳадиси шарифларни пухта ўрганиб, уларга амал қилиш. 
2. Аҳли сунна вал жамоа ақидавий мазҳабига, мўътабар фиқҳий мазҳабларга хилоф тоифалар 
йўлини тўсиш. 
3. Авом (яъни, омма мусулмонлар) шаръий масалаларда бирон гап айтишларига йўл қўймаслик. 
4. Бирон гап ёки фикрга қаттиқ ёпишиб олмаслик, таассубдан йироқ юриш. 
5. Бузуқ йўлдаги фирқаларга насиҳат қилиш, уларни тўғри йўлга бошлаш. 
Савол-жавоблар 
Савол:
“Пирлар мадодкор бўлсин!”, “Аждодлар руҳи қўлласин!” дейиш мумкинми? 
Жавоб:
Балолардан асраш, фарзанд бериш, мушкулларни аритиш маййитлар қўлидан келмайди. Бу 
нарсалар фақат Аллоҳдан сўралади. Агар кимдир “Пирлар қўлласин”, “Ўтган руҳи мададкор бўлсин” деб 
улардан ёрдам сўраса, ожиз мавжудотларни Аллоҳга шерик қилган бўлади. Шунинг учун мўмин одам 
бундай жумлаларни ишлатмайди. 
Савол:
Авлиёлар бало-офатдан асрайдими? 
Жавоб:
Валийлар дуоси мустажобдир. Лекин улар вафот этганларидан кейин тирикларга ҳеч 
қандай манфаат етказмайди. Ёрдамни фақат Аллоҳ беради, шикаст-офатлардан фақат Аллоҳ сақлайди. 
Валий зотлар қабрини зиёрат қилиш фақат охиратни, ўлимни эслатади холос, мушкуллардан қутулишга, 
шикастлардан ҳимояланишга ёрдам бермайди. 
Савол:
Исириқ, тумор, кўзмунчоқ ёмон кўздан асрайдими? 

---

139 
Жавоб:
Айримлар иши юришиши ёки савдоси баракали бўлиши учун исириқ тутатади, бало-
қазолардан, фалокатлардан ҳимояланиш учун кийимларига, уловига тумор, кўзмунчоқ осади, уйларига 
исириқ, ҳайвонлар шохини илиб қўяди. Бу, одамлар ўйлаб топган ирим-сиримлардир. Уларнинг ҳеч бири 
Исломда йўқ.