Зиёвуддин Раҳим 2 бисмиллаҳир роҳМАНир роҳийм!

“Аллоҳ сизларни
(нг отангиз Одамни)
тупроқдан, сўнг 
(барчангизни)
нуфтадан яратди. Кейин 
сизларни жуфт-жуфт қилиб қўйди. Ҳар бир аёлнинг ҳомиладор бўлиши ҳам, кўзи ёриши ҳам, шак-
шубҳасиз, Унинг билиши билан бўлади. Ҳар бир умр кўрувчи умри узун қилинмайди, 
(ёки)
 
умридан камайтирилмайди, магар 
(буларнинг барчаси)
Китобда 
(битилган бўлади)
. Албатта, бу 
Аллоҳга осондир” 
(“Фотир” сураси, 11-оят).
Аллоҳ таоло башарият отаси Одам алайҳиссаломни тупроқдан яратган. Кейин эркак ва аёл 
ўртасидаги никоҳ орқали: бир томчи сувдан тарқаладиган қилиб қўйган. Аёлнинг ҳомиладор бўлиши, 
фарзандини дунёга келтириши Аллоҳнинг илми, тақдири билан бўлади. Бу ишлардан ҳеч бири Аллоҳга 
махфий эмас. Аллоҳ бир банда қанча умр кўришини белгилаган бўлса, у ўша муддатга етиб боради: умри 
қисқариб ҳам қолмайди, Аллоҳ белгилаган чегарадан ўтиб ҳам кетмайди. Ким қанча умр кўриши, 
умрнинг узайиши ёки қисқариши Аллоҳ даргоҳидаги Китобда – Лавҳул маҳфузда қайд этилган. Ўша 
Китобда банда ҳаётида бўладиган ҳамма ҳолатлар бор. Шунча илмни қамраб олиш, уни ёзиб қўйиш 
Аллоҳ таолога қийин эмас. Зеро, У ҳамма нарсани Билувчи, ҳар ишга Қодир Зотдир. 
Раббимиз азза ва жалла шундай марҳамат қилган: 
“--------------------------- Арабий матн --------------------------“ 
“Аллоҳ Ўзи хоҳлаган 
(нарса)
ни ўчиради, Ўзи хоҳлаган 
(нарса)
ни устивор қилади. Асл Китоб 
Унинг даргоҳидадир”
(“Раъд” сураси, 39-оят).
Асл Китобдан мурод Лавҳул маҳфуздир. 
Аллоҳ таоло хоҳласа, тақдирларни дуо-илтижо билан ўчиради, Ўзи истаган нарсаларни Лавҳул 
маҳфузда собит қилади. Аллоҳ таоло бунга маълум нарсаларни сабаб қилади. Бу ҳам Лавҳул маҳфузда 
битилган. Масалан, қариндош-уруғлар билан яхши муносабатда бўлиш узоқ умр кўришга, кенг ризққа 
сабабдир. Шунингдек, гуноҳ-маъсиятлар ризқдан баракани кетказади, умрни қисқартиради. Аллоҳ таоло 
ҳамма нарсани Ўз иродасига қараб тадбир қилади. Аллоҳнинг тадбири Лавҳул маҳфузда ёзиб қўйганига 
зид келмайди. 
Аллоҳ таоло айтади: 
“--------------------------- Арабий матн --------------------------“