Зиёвуддин Раҳим 2 бисмиллаҳир роҳМАНир роҳийм!

ЖАННАТ ВАСФИ 
Жаннат васфига инсон тили ожиз, қалами қосирдир. Шунинг учун унинг васфини Каломуллоҳдан, 
покиза суннатдан излаймиз. 
Қуръони каримнинг бир қанча оятларида жаннатдаги роҳат-фароғатлар зикр этилган. Каломуллоҳ 
оятларини ўқир эканмиз, жаннатга шавқимиз ортади, имонда собитқадам бўлиб, солиҳ амаллар қилиб, 
Аллоҳ розилигига эришиш истаги кучаяди. 
Аллоҳ таоло шундай деган: 
"--------------------------- Арабий матн --------------------------" 
“Албатта, имон келтирган, яхши амаллар қилганлар учун Фирдавс боғлари манзил бўлади. 
Улар у жойларда мангу қоладилар, 
(бошқа жойга)
 кўчишни истамайдилар”
(“Каҳф” сураси, 107-108-
оятлар). 
Дунёда имон билан ўтган, Аллоҳ розилиги учун солиҳ амаллар қилган мўминлар охиратда Фирдавс 
жаннатига киришади. Улар жаннатда абадий қолишади. Мўминлар у ерда шундай роҳат-фароғат, 
хотиржамлик топганларидан жаннатдан бошқа жойга кўчиб ўтишни хоҳлашмайди. 
Жаннатда қандай неъматлар борлиги, у ерда мўминларга қандай муносабатда бўлиниши ҳақида 
турли оятлар туширилган. Жумладан, Аллоҳ таоло шундай марҳамат қилган: 
"--------------------------- Арабий матн --------------------------" 
“Ўша куни 
(баъзи)
 юзлар хурсанд 
(ҳолда)
 бўлади. 
(Қилган)
 ҳаракати учун рози бўлади. 
(У)
 олий 
жаннатда 
(бўлади)
. У ерда бекорчи гапни эшитмайди. У ерда бир оқар чашма бор. 
(Шунингдек,)
 у 
ерда баланд сўрилар, 
(тайёрлаб)
қўйилган қадаҳлар, 
(тахлаб)
қўйилган ёстиқлар, тўшалган олий 
сифатли гиламлар бор” 
(“Ғошия” сураси, 8-16-оятлар). 
Имон-эътиқодли, тақводор мўминлар юзида қиёмат куни хурсандчилик аломати шундоқ кўриниб 
туради, чеҳраси қувончдан порлайди. Улар Аллоҳ берган мукофотларни кўриб, дунёда қилган 
амалларидан рози бўлишади. Аллоҳ уларни олий жаннатга киритади. Жаннатийлар ёлғон, бўҳтон, фаҳш 
сўзларни ишлатишмайди, эшитишмайди, фақат ёқимли сўзларни эшитадилар, Аллоҳнинг зикри, мақтови 
билан боғлиқ сўзларни гапирадилар. 
Жаннатда оқувчи булоқ бор. Ундан ичган одам чексиз лаззатланади. Дўзахийлар ўта қайноқ сувни 
ичиб, азобланаётган бир пайтда жаннатийлар чашмадаги анвойи ичимликлардан ичиб ҳузурланишади. 

---

81 
Жаннатда баланд сўрилар бор. Унга ўтирган мўминлар Аллоҳ томонидан берилган барча 
неъматларни кўришади. 
Жаннатийлар учун қадаҳларга ўта олий сифатли ичимликлар тайёрланган ёки оқувчи чашма бўйига 
қадаҳлар қўйилган. Улар хоҳлаган пайтларида қадаҳни олиб, сувдан ичишади. 
Жаннатийлар суянишлари учун ёстиқлар ёнма-ён тахланган, ўтирадиган жойларга юқори сифатли 
гиламлар тўшаб қўйилган. 
Аллоҳ таоло айтади: 
"--------------------------- Арабий матн --------------------------"