Ózbekstan respublikasi veterinariya hám sharwashiliqti rawajlandiiriw mámleketlik komiteti

FILOSOFIYA PÁNI BOYÍNSHA GLOSSARIY
Filosofiya – Adam-dúnya sistemasınıń eń ulıwmalıq nızamlıqların
úreniwshi pán.
Ontologiya – bolmıs máselelerin úyreniwshi filosofiyanıń tarawı.
Gnoseologiya – biliw máselelerin úyreniwshi filosofiyanıń tarawı.
Dialektika – rawajlanıw hám óz-ara baylanıslar eń ulıwmalıq
nızamlıqların úyreniwshi filosofiyanıń tarawı.
Sociallıq filosofiya – jámiyettiń eó ulıwmalıq nızamlıqların
úyreniwshi filosofiyanıń tarawı.
Bolmıs – dúnyanıń eń ulıwmalıq qásiyeti bar bolıw, ómir súriwdi
ańlatıwshı kategoriya.
Materiya – insan sanasınan ǵárezsiz jasaytuǵın hám insan sanasında
sáwlelenetuǵın obektiv reallıq.
Háreket – materiyanıń tiykarǵı ómir súriw usılı bolǵan ózgeris hám
óz-ara tásir etisiw.
Waqıt – materiyanıń tiykarǵı ómir súriw forması bolǵan
ózgerislerdiń izbe izligi.
Keńislik – materiyanıń tiykarǵı ómir súriw forması bolǵan
materiyanıń jaylasıw tártibi.
Rawajlanıw – qaytalanbaytuǵın sapalı ózgerisler.
San – predmet, qubılıs yamasa processtiń basqa qubılıs hám prcessler
menen uqsaslıǵın kórsetiwshi belgisi.
Sapa – predmetiń, qubılıs yamasa processti anıqlawshı qásiyetler bir
pútinligi.
Ólshem – san menen sapanıń birilgi.
Sekiriw – úziliksizliktiń úziliwi, bir sapadan ekinshi sapaǵa ótiw.
Tiykar – haqıyqatlıqtıń ishki salıstırmalı turaqlı tárepi.
Forma – mazmunnıń ómir súriw, rawajlanıw, kóriniw usılı.
Zárúrlilik – predmettiń, processtiń ómir súriwiniń hám
rawajlanıwınıń ishki sebepleri menen anıqlanatuǵın tárepi.
Tosınanlıq – predmettiń, processtiń ómir súriwiniń hám
rawajlanıwınıń sırtqı sebepler menen,onıń qorshaǵan ortalıqtıń basqa
predmetleri menen tásir etisiwinde anıqlanatuǵın tárepi.
Haqıyqatlıq – bolǵan, házir bar, real ómir súriwshi nárse.