|
Qarsi gu`res strategiyasi. Zamanago`y ekstremizm ha`m terrorizmge qarsi gu`res ma`mleketlerdin` udayi itibarin, onin` aldin aliw ha`m saplastiriwg`a qaratilg`an ko`p qirli siyasatti a`melge asiriwda sabirliliq ha`m turaqliliqti talap etedi. a`liplesip, ken` tarmaqlang`an terrorizmge qarsi gu`reste ku`sh isletpegen ma`mleketler a`zzilenip, o`z xalqin, ma`mleketin, tinishlig`in ha`m turaqli rawajlaniwin qa`wip astinda qaldiradi.
Ekstremizm ha`m terrorizm bir-birine baylanisli bolg`an birden-bir protsesstin` izbe-iz rawajlanatug`in basqishlari bolip esaplanadi. Solay eken, terrorizm global da`rejege ko`terilgen ha`zirgi sharayatta ma`mleket o`zinin` ishki ha`m sirtqi siyasatinda og`an qarsi gu`res jirgiziwde ishki ha`m sirtqi faktorlardin` ta`sirin esapqa alg`an halda ten` salmaqli strategiyani islep shig`iwi kerek.
O`zbekstan Respublikasi o`z rawajlaniwinin` o`zine ta`n ta`replerin, elege shekem terrorizm, narkobiznes, qural-jaraq sawdasi siyaqli bir qatar qa`wipler bolip turg`an Orayliq Aziyadag`i
ku`shlerdin` salistirma salmag`in esapqa alip islep shiqqan ishki ha`m sirtqi siyasati ayiriqsha a`hmiyetke iye.
Ekstremizm ha`m terrorizmge qarsi gu`restin` usi strategiyasinda elimizdin` xaliq araliq birge islesiw bag`darlamalarinda, ma`mleketlerdin` terrorizmge qarsi gu`restegi ha`reketlerin birlestiriwde aktiv qatnasiwin ta`miyinlew maqsetleri sa`wlelengen.
Bul tarawda o`zbek sirtqi siyasatinin` negizin o`z ku`shlerin ha`zirgi da`wirdin` tiykarg`i qa`wpine qarsi gu`reske bag`darlawg`a tayar bolg`an barliq ma`mleketler menen aktiv birge islesiw quraydi. Usi jerde O`zbekstannin` is ju`zinde aymaqta ha`m pu`tkil du`n`ya ju`zinde qa`wipsizlikti ta`miyinlewge qaratilg`an barliq xaliq araliq bag`darlamalarda ha`m eki ta`repleme birge islesiw bag`darlamalarinda aktiv qatnasip atirg`anin atap o`tiw za`ru`r.
Sonday-aq, O`zbekstan ma`mleketinin` turaqli rawajlaniwdi ha`m qa`wipsizlikti ta`miyinlewge qaratilg`an ishki siyasati da ekstremizmnin` payda boliwi ha`m rawajlaniwi ja`ne ekstremizmnen terrorizmnin` kelip shig`iwin sapastiriwg`a qaratilg`an aktiv strategiyasi bolip esaplanadi. Onda ekstremizmge qarsi gu`res arqali bunday du`zilmeler quraminda jetilisiwi mu`mkin bolg`an terrorshilar ha`reketinin` aldin aliwg`a umtiliw bayan etilegnin ko`riw mu`mkin.
Bu`gingi ku`nde o`zbek ma`mleketi ta`repinen siyasiy, ekonomikaliq, sotsialliq ha`m basqa da tarawlarda a`melge asirilip atirg`an ken` ko`lemli reformalar usi gu`res strateniyasinin` tiykarg`i mazmunin quraydi.
Bazar ekonomikasina tiykarlang`an puqaraliq ja`miyetin quriw, ekonomika, awil xojalig`i, ta`lim- ta`rbiya, atap aytqanda, orta arnawli ta`lim sistemasi, densawliqti saqlaw, sport ha`m basqa tarawlardag`i ken` ko`lemli unamli o`zgeriser usi strategiyanin` quram bo`legi, Orayliq Aziya aymag`indag`i jag`daydi belgilep beretug`in, ma`mlekettegi turaqliliq ha`m rawajlaniwdi ta`miyinlewge xizmet etetug`in ilajlar sistemasi bolip esaplanadi. Ku`shli ekonomikag`a iye O`zbekstannin` turaqlilig`i pu`tkil aymaqtin` turaqlilig`in bildiredi.
Bul aqilg`a muwapiq ten` salmaqliliqqa tiykarlang`an ko`p qirli ha`m ha`r tu`rli da`rejedegi strategiyada ruwxiyliq ha`m ideologiyaliq ta`rbiya ayiriqsha orin iyeleydi.
Qa`niygeler ekstremizmnin` payda boliwi ha`m rawajlaniwina sebep bolg`an faktorlar ishinde ideologiyaliq bosliqtin` ta`sirin ha`m qa`diriyatlar maqsetlerindegi turaqsizliqta ko`rinetug`in ayirmashiliqlardi ayiriqsha ajiratip ko`rsetedi. Ideologiyaliq bosliq ko`binese adamlarda ja`miyettegi bir jag`daydi, ja`miyetlik ortaliqti naduris tu`siniwge, onin` erkin basqa adamg`a boysindiriw ha`m ko`z- qarasinda agressivlikti qa`liplestiriwge xizmet etetug`in ziyanli ideyalar menen toltiriwina negiz jaratadi.
«Zombilestiriw» dep atalatug`in bul texnologiya jaqsi qa`liplespegen ruwxiyliq, bosan` erk-iqrar ha`m ziyanli umtilislar ortalig`inda g`ana ta`sir ku`shine iye boladi.
Sonin` ushin da, O`zbekstan ekstremizmge qarsi gu`reste, onin` payda boliwi ha`m rawajlaniwin saplastiriw islerinde ideyaliq ta`rbiya, atap aytqanda, ma`mleket jaslarinda joqari ruwxiyliqti qa`liplestiriw ma`selelerine ayiriqsha itibar bermekte. Sebebi bunday jandasiwda uliwma insaniy ha`m milliy qa`diriyatlarg`a, milliy o`zlikti tiklew ha`m g`a`rezsizliktin` mazmunin bayitiwg`a tiykarlang`an milliy g`a`rezsizlik ideyasi, ruwxiyliq ha`m ag`artiwshiliq duris qa`liplestirilgen sana-sezim ekstremizm ha`m terrorizmge qarsi gu`restin` ja`ne ja`miyettin` turaqli rawajlaniwin ta`miyinlewdin` en` a`hmiyetli sistemasi sipatinda ju`zege shig`adi.
Do'stlaringiz bilan baham: |
