Ózbekstan respublikasí joqarí HÁm orta arnawlí bilimlendiriw ministrligi

Feyil  tiykarlı  qospa  feyiller. 
Feyil  tiykarlı  qospa  feyiller  eki 
feyildiń dizbeginen jasaladı. Dialektte hal feyiller kómekshi feyiller 
menen  dizbeklesip,  qospa  feyillerdi  jasaydı.  Mısalı:  Shıǵıp 
baratırǵanda  izińnen  jılap  qalatuǵın  qız  (Ár.  Ózb.,  ád.t.  shıǵarıp 
baratırǵanda). Kóp waqıtqa deyin shayırlar aytısları  júrip keldi (Br. 
Alt., ád.t. aytılıp keldi).  
Juwmaqlap  aytqanda,  dialektte  sózlerdiń  jasalıwında  úlken 
ózgeshelikler  bar.  Bul  ózgeshelikler  sózlerdiń  morfologiyalıq  usıl 
arqalı  jasalıwında  atap  aytqanda,  atlıqtın  affiksaciya,  sóz  qosılıw 
91

---

usılı  arqalı  jasalıwında,  kelbetliktiń  affiksaciya  usılı  arqalı  atawısh 
sózlerden  jasalıwında  hám  kelbetliktiń  sóz  qosılıw  usılı  arqalı 
jasalıwında,  feyildiń  affiksaciya  hám  sóz  qosılıw  usılı  arqalı 
jasalıwında kórinedi.  
 
10.2. Tapsırma.
 Ózlerińizdiń arańızdaǵı talabalardıń awızeki 
sóylew tilinen mısallr jazıp alıń. Sózlerdiń jasalıwına itibar beriń. 
 
Sorawlar 
1. Sózlerdiń jasalıwı degende neni túsinesiz? 
2. Qaraqalpaq ádebiy tilindegi sózlerdiń jasalıwı menen dialektte 
sózlerdiń jasalıwında qanday parıq bar? 
3. Olardıń arasındaǵı ayırmashılıqtı túsindiriń.