Ўзбекистон

Сўровнома. Ота-оналар сўровнома саволларига жавоб берадилар. (1-
илова).
Психолог: Келинг, энди болаларнинг фикрларини тинглаб кўрамиз.
5-синфга ўтганларидан кейин уларнинг ҳаётида қандай ўзгаришлар бўлган экан?
Ўқувчилар билан ўтказилган сўровнома натижаларини муҳокама қилиш.
Ота-оналарга танлов тарзида болаларнинг «5-синф бўлганингдан сўнг
қандай ўзгаришлар бўлди?» анкетасига берган жавоблари ўқиб берилади. (2- илова). Ўқиб берилгандан сўнг, болаларнинг жавобларини умумлаштирувчи қисқа хулосалар қилинади.
Ўқитувчининг ўзгариши. Бошланғич синфларда ўқитувчи бола учун
“иккинчи она” кабидир. Бу даврда ўқитувчи ва ўқувчилар орасидаги муносабатлар кўпинча оилавий, қариндошлик принципи асосида тузилади. Ўқитувчи нафақат фанини ўтади, балки болани ўзига хизмат қилишга, озодаликка ўргатади, у ҳақида ғамҳўрлик қилади. Болалар ҳам биринчи ўқитувчилари билан ўзларини ҳимояланган сезадилар. Ва бирданига уларга “оналарини алмаштиришни” таклиф қиладилар.
Турли фан ўқитувчилари. Ўз характери, талаблари ва одатлари бўлган фан ўқитувчилари. 5-синф ўқувчиларида қийинчиликларни ҳар бир дарсда ўзгача темпга, нутқ хусусиятларига, ҳар бир ўқитувчининг дарс ўтиш услубига мослашиши хам келтириб чиқаради. Масалан, тарих ўқитувчиси дарсда жавоб бераётганда китобдаги манбаларга асосланишни талаб қилади, адабиёт ўқитувчиси эса болани шахсий фикри учун мақтайди ва ҳок.. Бундай “арзимаган” нарсалар, талабларнинг қарама-қаршиликлари боланинг ҳаётини етарлича қийинлаштириши мумкин.