Ўзбекистон ресубликаси олий ва ўрта махсус таълим вазирлиги

«МУЛОҚОТ» ТЕХНОЛОГИЯСИ


Технологиянинг тавсифи. Ушбу технология талабаларнинг дарс жараёнида мустақил фикрлашига, ўз фикрларини эркин баён этишига ҳамда уларда баҳслашиш маданиятини тарбиялашга қаратилган бўлиб, одатда, бундай машғулот талабаларни кичик гуруҳларга ажратган ҳолда ўтказилади.
Технологиянинг мақсади. Танланган мавзу, муаммо асосида талабаларнинг фикрларини ҳамда ушбу мавзуга бўлган муносабатларини аниқлаш, мустақил ҳолда умумий бир фикрга келишларига ва тўғри хулоса чиқаришларига ёрдам бериш, эркин ҳолда баҳслашишларига шароит яратиш, мулоқотга кириш ҳамда мулоқот қила олишга ўргатиш.
Технологиянинг қўлланиши. Амалий, лаборатория машғулотларда ва дарсдан ташқари вақтда ўтказиладиган тарбиявий соатларда қўлланиши мумкин бўлиб, машғулот жамоа ва кичик гуруҳ шаклида ўқув аудиториясида ёки табиат қўйнида ўтказилиши мумкин.
Машғулотда фойдаланиладиган воситалар. Ватман қоғози, фломастер, маркерлар.
Машғулотни ўтказиш тартиби:

• 
  ўқитувчи машғулотни бошлашдан аввал талабаларни мулоқот, баҳс-мунозарани ўтказишга қўйилган талаблар, қоидалар билан таништиради, сўнгра ушбу дарснинг босқичма-босқич ўтказилишини тушунтиради;
  
• 
  ўқитувчи талабаларни мавзу йўналишлари бўйича гуруҳларга ажратади;
  
• 
  ҳар бир кичик гуруҳ жамоаси ўз йўналиши бўйича тайёргарлик бошлайди: бошқа кичик гуруҳлар билан мулоқотга кириша олиши учун ўз йўналиши бўйича турли материаллар, кўргазмали қуроллар, турли ривоят, олим ва мутафаккирларнинг фикрлари ҳамда шу кабиларни тайёрлайди;
  
• 
  кичик гуруҳлар ўртасида асосий мавзу ва унинг йўналишлари бўйича мулоқот бошланади;
  
• 
  ўқитувчи гуруҳларнинг фикрларини мақсадли йўналтириб боради ва асосий мавзу кичик гуруҳлар томонидан ёритилгач, у айтилган фикрларга ўзининг муносабатини билдирган ҳолда мулоқотни якунлайди.
  

Технологияни ўтказиш алгоритми: