Ўзбекистон респупликаси

3. Insho yozish uchun kerak bo‘ladigan malakalar, o‘quvchilarga beriladigan zarur maslahatlar.
Inshoning xususiyatlaridan biri uning mavzu materialidir. Badiiy asarda obrazlar orqali berilgan muallif g‘oyasi mavzu bilan uzviy bog‘liq holda yoritiladi. Mavzu va g‘oyani aniq belgilab olmasdan va zarur material, faktlar yig‘may turib, inshoni muvaffaqiyatli yozish mumkin emas. Fakt-dalillarsiz insho mazmunsiz, quruq gapdan iborat bo‘lib qoladi.
Insho tuzilishi jihatdan kirish so‘zi bilan boshlanib, so‘ngra mavzu, g‘oya yoritiladi. Keyin esa xulosalanadi. Xullas, mavzu, g‘oya, material, faktlar, reja hamda xulosa inshoning asosiy nazariy vositalaridir.
Insho yozish uchun o‘quvchilarga zarur bo‘ladigan malakalar:
1. Insho sarlavhasini to‘g‘ri belgilash. To‘g‘ri qo‘yilgan sarlavha inshoning muvaffaqiyatli chiqishi uchun ilk qadamdir.
2. Mavzu talabini to‘g‘ri tanlash.
3. Inshoga material to‘ylash.
4. Kuzatuvchanlik xususiyatining to‘la shakllangan bo‘lishi.
5. To‘plangan materiallarni tartibga solish va uni muayyan izchillikda bera olish.
6. Insho matnini takomillashtirish. Unda yo‘l qo‘yilgan xato va kamchiliklarni bartaraf etish.
Insho yozish uchun o‘quvchilarga zarur maslahatlar:
1. Insho mavzusini puxta o‘ylash. Nimalar haqida yozishni aniqlab olish, mavzuga oid so‘zlar tanlash.
2. Inshoning asosiy mazmunini, shu mazmunni yoritish uchun qanday yozishni o‘ylab olish, inshoning rejasini tuzish.
3. Inshoni yozishda faqat mustaqil ijodiy fikr yuritish.
4. Yozilgan inshoni ko‘rib chiqish, tekshirish, ortiqcha so‘z va gaplarning ustidan chizish, mavzu va asosiy mazmuni yetarli ochilmagan o‘rinlarni to‘ldirish.
5. Inshoning tiliga, fikr ifodasiga e’tibor berish, zarur o‘rinlarga tuzatish kiritish.
6. Yozgan inshoni oqqa ko‘chirish.

4. Insho va uning turlari.