Ўзбекистон респупликаси

4. Ayrim dars rejasi va o‘quv jihozlari.
Mavzuviy reja asosida kundalik dars rejasi tuziladi. Dars rejasi quyidagi besh tarkibiy qismlardan iborat bo‘ladi: a) tashkiliy vazifa, b) uy vazifasini so‘rash, v) yangi materialni bayon qilish, g) bilimni mustahkamlash, d) uyga vazifa topshirish. Ularning tartibi va dars kompozitsiyasidan joy olishi bugungi kun pedagogik maqsad va talablarga ko‘ra qat’iy va majburiy emas. O‘qituvchi qo‘llagan metod, usul va maqsadiga ko‘ra ularga ijodiy yondashadi.
Rejalashtirish bilan jihozlashning bir-biriga bog‘liqligi.
Pedagogik jarayonning hamma tomonlarini o‘z ichiga olgan, eng yaxshi metod va usullarga asoslangan ajoyib bir reja tuzish mumkin. Lekin bu reja real bo‘lmasa, maktab sharoitini hisobga olmay tuzilgan bo‘lsa, uning unchalik ahamiyati bo‘lmaydi.
Siz mashg‘ulotni rejalashtirgan vaqtingizda bir qancha adabiy asarlarning uyda o‘qilishini mo‘ljallaysiz. Sinfda esa o‘qib kelingan asarlar ustida suhbat o‘tkazasiz va ma’ruzalar qildirasiz, tahminan, sizning hisobingizcha bir asar uch-to‘rt soatni egallaydi. Faraz qilaylik, kutubxonada hamma o‘quvchilarga yetarli kitob yo‘q, kitob o‘quvchilarning uylarida ham yo‘q. Asarni yolg‘iz sinfda o‘qishga to‘g‘ri keladi. Endi bir asar 3-4 soatda emas, 8-9 soatda o‘tiladi. Sinfdan tashqari o‘qish rejasi esa o‘z ahamiyatini yo‘qota boshlaydi. Ana shu ahvolda tuzilgan reja ham real xarakterga ega bo‘lmaydi. O‘qituvchi real xarakterga ega bo‘lgan reja tuzishi uchun qanday asarlarning adabiyotga kirganligini, qanday asarlarning ayrim nashr qilinganini, adabiyotning, ayrim nashr qilingan asarlarning sonini, o‘quvchilarni zarur bo‘lgan materiallar bilan ta’minlash imkoniyati bor-yo‘qligini hisobga olishi lozim. Mana shu masalalar hal qilingandan so‘ng, real xarakterga ega bo‘lgan reja tuzish mumkin.
O‘quv qurollarining turlari. O‘quvchilar uchun o‘quv qurollari to‘rt asosiy guruhga bo‘linadi: I) Adabiy-badiiy matnlar. 2) Darsliklar. 3) Adabiy-tanqidiy va tarixiy-adabiy materiallar. 4) Ko‘rgazmali qurollar.