Ўзбекистон республикасининг бюджет кодекси ўзбекистон Республикасининг

17-БОБ. ДАВЛАТ БЮДЖЕТИНИ ВА ДАВЛАТ
МАҚСАДЛИ ЖАМҒАРМАЛАРИ БЮДЖЕТЛАРИНИ
КЎРИБ ЧИҚИШ, ҚАБУЛ ҚИЛИШ ВА ТАСДИҚЛАШ ТАРТИБИ

97-модда. Бюджетномани кўриб чиқиш ва Давлат бюджетини,

давлат мақсадли жамғармалари бюджетларини ҳамда солиқ
ва бюджет сиёсатининг асосий йўналишларини қабул қилиш
98-модда. Асосий макроиқтисодий кўрсаткичлар прогнозини
ва Давлат бюджетининг асосий параметрларини тасдиқлаш
99-модда. Қорақалпоғистон Республикаси бюджетини, вилоятлар
ва Тошкент шаҳар маҳаллий бюджетларини тасдиқлаш
100-модда. Давлат бюджетини ва давлат мақсадли
жамғармалари бюджетларини етказиш
101-модда. Ўзбекистон Республикасининг
Фавқулодда Давлат бюджети
97-модда. Бюджетномани кўриб чиқиш ва Давлат бюджетини,
давлат мақсадли жамғармалари бюджетларини ҳамда солиқ
ва бюджет сиёсатининг асосий йўналишларини қабул қилиш

Ўзбекистон Республикаси Вазирлар Маҳкамаси томонидан тақдим этилган бюджетнома Ўзбекистон Республикаси Олий Мажлисининг палаталари томонидан кўриб чиқилади.

Ўзбекистон Республикаси Олий Мажлисининг палаталари навбатдаги йил учун Давлат бюджетини, давлат мақсадли жамғармалари бюджетларини ҳамда солиқ ва бюджет сиёсатининг асосий йўналишларини қабул қилади.
Қаранг: Конституция 78-моддаси биринчи қисмининг 8-банди; "Ўзбекистон Республикаси Олий Мажлисининг Қонунчилик палатаси тўғрисида"ги Конституциявий Қонун 8-моддаси биринчи қисмининг 11-банди; "Ўзбекистон Республикаси Олий Мажлисининг Сенати тўғрисида"ги Конституциявий Қонун 8-моддаси биринчи қисмининг 11-банди; "Ўзбекистон Республикаси Олий Мажлиси Қонунчилик палатасининг Регламенти тўғрисида"ги Қонуннинг IV бўлими, 31-моддаси; "Ўзбекистон Республикаси Олий Мажлиси Сенатининг Регламенти тўғрисида"ги Қонуннинu IV бўлими; ОМ Қонунчилик палатасининг 2016 йил 29 январдаги 368-III-сон Қарори билан тасдиқланган "Ўзбекистон Республикаси Олий Мажлиси Қонунчилик палатаси Регламенти" (Янги таҳрири) 16-бобининг 2-§; ОМ Сенатининг 2005 йил 6 майдаги 29-I-сон Қарори билан тасдиқланган “Ўзбекистон Республикаси Олий Мажлиси Сенатининг Регламенти”нинг 33, 34-моддалари