Ўзбекистон Республикасини янада ривожлантириш бўйича Ҳаракатлар стратегияси тўғрисида

Келишув битими тарафларнинг ўзаро келишишига асосланган бўлиб, даъво талаби (талаблари) доирасида аниқликка эришилган бўлсагина, суд томонидан тасдиқланиши мумкин.


Низонинг моҳияти:
Ўзбекистон Ҳакамлик судлари Ассоциацияси вилоят ваколатхонаси ҳузуридаги доимий фаолият кўрсатувчи ҳакамлик судининг 1-сонли иши бўйича қабул қилинган 2014 йил 14 апрелдаги ҳал қилув қарори билан МЧЖнингқўшма корхонага нисбатан ҳакамлик судига берган даъво аризаси қисман қаноатлантирилган.
Қўшма корхонадан МЧЖ фойдасига 148 680 814 340 сўм дивиденд бўйича қарз, 5 000 000 сўм пеня, 30 000 000 сўм ҳакамлик йиғими, жами 148 715 814 340 сўм ундирилган. Бундан ташқари, қўшма корхонадан Ҳакамлик судифойдасига 713 579 071 сўм ҳакамлик йиғими ундирилган.
Ҳакамлик судининг ушбу ҳал қилув қароридан норози бўлган қўшма корхона (аризачи) иқтисодий судга ариза билан мурожаат қилиб, ҳакамлик судинингҳал қилув қарорини бекор қилишни сўраган.
Биринчи инстанция судининг ажрими билан МЧЖ ва қўшма корхона ўртасида тузилган келишув битими тасдиқланган ва иш юритиш тугатилган.
Қўшма корхона Олий судга назорат шикояти билан мурожаат қилган ва келишув битимлари қонун доирасида тузилмаганлиги, келишув битими даъво предмети доирасида эмас, балки ўзаро қарздорлик масаласида тузилганлигини асос қилиб, биринчи инстанция судининг келишув битимини тасдиқлаш ва иш юритишни тугатиш тўғрисидагиажримини ҳамда ҳакамлик судининг ҳал қилув қарорини бекор қилишни сўраган.


Қўшма корхона (аризачи)нинг важлари:
Ҳакамлик суди томонидан қабул қилинган ҳал қилув қарори қонун талабларига зид равишда чиқарилган. Жумладан, низони ҳакамлик судига топшириш тўғрисида тузилган битим қўшма корхонанинг ваколатсиз шахси томонидан имзоланган, томонлар ўртасида тузилган ҳакамлик битимида дивиденддан бўлган қарздорликни ундириш тўғрисида келишилмаган, ҳакамлик суди қўшма корхонани ҳакамлик судьяларини сайлаш тўғрисида хабардор қилмаган. Бундан ташқари, ҳакамлик судида ишни кўриб чиқишда бевосита манфаатдор бўлган (битим тарафи вакили), яъни МЧЖ (ҳакамлик судида даъвогар) ҳуқуқшуноси ҳакамлик судьялари таркибида бўлган.
Биринчи инстанция суди томонидан тасдиқланган келишув битими эса даъво талаби доирасидан четга чиқиб тузилган. Бу эса қонун талабига зид ҳисобланади.
Шунинг учун, суднинг келишув битимини тасдиқлаш ва иш юритишни тугатиш тўғрисидаги ажрими ҳамда ҳакамлик судининг ҳал қилув қарори бекор қилиниши лозим.