Ўзбекистон Республикасини янада ривожлантириш бўйича Ҳаракатлар стратегияси тўғрисида

Банклардаги ҳисобварақлар бўйича операцияларни тўхтатиб қўйишга доир ишларни кўришда исботлаш мажбурияти назорат қилувчи орган зиммасига юклатилади.


Низонинг моҳияти:
Назорат қилувчи органлар фаолиятини мувофиқлаштириш бўйича Республика кенгашининг қарори ҳамда Давлат солиқ инспекцияси (бундан буёнматнда ДСИ деб юритилади)нинг буйруғи асосида давлат солиқ хизмати ходимлари томонидан якка тартибдаги тадбиркор (бундан буён матнда ЯТТ ёки жавобгар деб юритилади)нинг молиявий-хўжалик фаолияти юзасидан текшириш ўтказилган.
Текшириш ўтказиш мобайнида жавобгар томонидан ўзининг молиявий-хўжалик фаолиятига оид ҳужжатларни, шу жумладан текширув мақсадларига ҳамда бутун текширув даврига тааллуқли бўлган солиқ ва бошқа мажбурий тўловларнинг ҳисоблаб чиқилиши, тўланиши билан боғлиқ ҳужжатларни давлат солиқ хизмати ходимларига тақдим этмаган ҳамда бу ҳақда 2016 йил 28 июндаги далолатнома тузилган.
Шунга кўра, ДСИ жавобгарнинг банкдаги ҳисобрақами бўйича опреацияларни тўхтатиб қўйиш тўғрисидаги ариза билан судга мурожаат қилган.


ДСИнинг важлари:
Текшириш ўтказиш жараёнида жавобгар томонидан ўзининг фаолиятига доир ҳужжатлар тўлиқ ҳажмда тақдим этилмаган ва ушбу ҳолат юзасидан далолатнома тузилган. Жавобгар ҳужжатлар тақдим этилмаганлигининг сабабини уларнинг мавжуд эмаслиги билан изоҳлаган ҳамда шу орқали текширув ўтказилишига тўсқинлик қилган. Бу ҳолат банкдаги ҳисобрақам бўйича операцияларни тўхтатиб қўйиш учун асос ҳисобланади. Кейинчалик, жавобгар томонидан ҳужжатлар тақдим этилган, бироқ улар тўлиқ бўлмаган. Шу боис унга нисбатан молиявий санкция қўлланилган. Жавобгарнинг банкдаги ҳисобрақамлари бўйича операциялар 2017 йилнинг январида қайта тикланган ва қўйилган инкассо топшириқномалари асосида жавобгарнинг банк ҳисобрақамидан солиқ қарздорлиги қисман ечиб олинган.


ЯТТ (жавобгар)нинг важлари:
ДСИ томонидан суддан асоссиз равишдабанкдаги ҳисобварақ бўйича операцияларни тўхтатиб қўйиш сўралган. Банкдаги ҳисобварақ бўйича операцияларни тўхтатиб қўйиш учун асослар Ўзбекистон Республикаси Солиқ кодекси (бундан буён матнда Солиқ кодекси деб юритилади)нинг 96-моддасида кўрсатилган. Мазкур ҳолатда бундай асослар мавжуд эмас.