Ўзбекистон Республикасини янада ривожлантириш бўйича Ҳаракатлар стратегияси тўғрисида

Лизинг берувчининг важлари
Биз ҳамда лизинг олувчи ўртасида “Доминатор-130” русумли бир дона ғалла ўриш комбайнини лизингга бериш тўғрисида лизинг шартномаси тузилган.
Лизинг берувчи томонидан лизинг шартномаси шартларига асосан “Доминатор-130” русумли бир дона ғалла ўриш комбайни сотиб олинган ҳамда 2010 йил 11 июнда лизинг олувчига топшириш-қабул қилиш далолатномасига асосан топширилган.
Лизинг шартномасига мувофиқ лизинг олувчи шартноманинг иловасида кўрсатилган график асосида лизинг тўловларини ҳар 6 (олти) ойда белгиланган миқдорда тўлаб бориш мажбуриятини олган.
Лизинг тўловлари лизинг олувчи томонидан дастлаб ўз вақтида тўлаб келинган. Бироқ охирги бир неча ой давомида лизинг тўловлари номаълум сабабларга кўра тўланмай келмоқда.
Лизинг олувчининг лизинг берувчи олдидаги ҳозирги кунга қадар жами қарздорлиги 25 730 073 сўмни ташкил этади.
Шу сабабли лизинг олувчидан 11 900 978 сўм асосий қарз, 8 335 088 сўм фоиз ва 5 494 007 сўм пеня ундириш, ундирувни гаровга қўйилган мулкка қаратиш ҳамда лизинг шартномасини бекор қилиб, лизинг объектини қайтариш лозим.


Лизинг олувчининг важлари
Биз ҳамда лизинг берувчи ўртасида “Доминатор-130” русумли бир дона ғалла ўриш комбайнини лизингга бериш тўғрисида лизинг шартномаси тузилган.
Лизинг берувчи томонидан лизинг шартномаси шартларига асосан “Доминатор-130” русумли бир дона ғалла ўриш комбайни сотиб олинган ҳамда 2010 йил 11 июнда лизинг олувчига топшириш-қабул қилиш далолатномасига асосан топширилган.
Лизинг тўловлари лизинг олувчи томонидан дастлаб ўз вақтида тўлаб келинган. Бироқ лизинг олувчининг молиявий аҳволи ёмонлашганлиги сабабли охирги бир неча ой давомида лизинг тўловлари тўланмай келмоқда.
Таъкидлаш керакки, лизинг олувчи томонидан шартнома бўйича тўланган лизинг тўловлари барча лизинг тўловларининг учдан икки қисмидан ошган бўлишига қарамасдан, лизинг берувчи томонидан 11 900 978 сўм асосий қарз, 8 335 088 сўм фоиз ва 5 494 007 сўм пеня ундириш, ундирувни гаровга қўйилган мулкка қаратиш ҳақидаги даъво талаблари билан бирга лизинг шартномасини бекор қилиб, лизинг объектини қайтариш ҳақидаги талаблар ҳам билдирилган.
Шу боис низо юзасидан адолатли суд қарорини қабул қилиш лозим.