Ўзбекистон республикасида таълим

Ижодкор талабаларни ўқитишда инновацион технологиялардан 
фойдаланишнинг самарадорлиги 
 
З. Қосимова, ЎзДСМИ магистратура бўлими бошлиғи, 
п.ф.н., доцент 
А. Шомуродов, ЎзДСМИ ички назорат ва
мониторинг бўлими бошлиғи 
Бугунги кунда жамият таълим жараёни олдига талабани узлуксиз 
ривожлантириш вазифасини қўймоқда. Эндиликда ижодкор, конструктив 
фикрловчи, ҳаётий вазиятларни қатъий ёндашув асосида ҳал қила оладиган 
талаба шахсини шакллантириш давр талабидир. 
Шахс камолоти йўлида замонавий таълимни ташкил этишга қўйиладиган 
муҳим талаб – ортиқча руҳий ва жисмоний куч сарфламай, қисқа вақт ичида 
юқори натижаларга эришишдир. Қисқа вақт ичида муайян билимларни 
талабаларга етказиб бериш, уларда маълум фаолият юзасидан керакли кўникма 
ва малакаларни ҳосил қилиш, уларни назорат қилиш, баҳолаш ўқитувчи-

---

122 
педагог томонидан юксак маҳоратни, таълим жараёнига инновацион ёндашувни 
талаб этади.  
Ўзбекистон давлат санъат ва маданият институтида актёрлик санъати, 
режиссёрлик таълим йўналишларида “Актёрлик маҳорати” фани ўқитилади. 
Мазкур фанни талабалар саккиз семестр давомида, яъни 1-курсдан то 4-курс 
якунига қадар ўзлаштирадилар. Ушбу фандан машғулотларни олиб бораётган 
педагоглар талабаларда актёрлик, режиссёрлик касбига доир билим, кўникма ва 
малакаларни шакллантирадилар. Албатта, бунда инновацион ёндашув асосида 
дарсларни ташкил этишга алоҳида эътибор қаратилади. Масалан, актёрлик 
санъати бўлимида таҳсил олаётган талаба саҳна асарлари моҳиятини чуқур 
ўзлаштириши лозим. Акс ҳолда у муайян бир персонаж образини яратишга 
қийналади. Унинг характер хусусиятларини, асарда рўй бераётган воқеа-
ҳодисалар жараёнида унинг хатти-ҳаракатларини моҳирона ифода қилиб 
бериши учун педагоглар тинмай меҳнат қилишлари лозим. Мазкур жараёнда 
саҳна асарларини мазмун жиҳатдан ўрганишни энг мақбул усуллар орқали 
амалга ошириш мақсадида қуйидаги инновацион технологиялардан 
фойдаланиш мақсадга мувофиқ: