Ўзбекистон республикаси ветеринария ва чорвачиликни ривожлантириш давлат қЎмитаси

Касал хайвонларни қайид этиш журнали чорвачилик фермаларида ва хўжаликларда ҳамда аҳоли молларига ветеринария даволаш хизмати кўрсатиш муассасаларида юритилади. Бу журнал даволовчи врачнинг асосий қонуний ҳужжати ҳисобланади. Журналнинг катталиги 20х30 см бўлиши, барча варақлари номерлаган, уларга ип ўтказилган ва охирги варағига раҳбариятнинг муҳри босилган бўлиши керак.
Журналнинг жилдига ветеринария муассасасининг номи ва манзилгоҳи, журналнинг номи, бошланган ва тугатилган муддати кўрсатилади. Журналнинг ички томонида 11 устундан иборат жадвал бўлиб, уларга касал ҳайвонни қабул қилиш ва даволаш жараёнида бажарилган ишлар батафсил ёзиб борилади.
Журналнинг ўнг саҳифаси

Тартиб рақами		Сана, ой, йил	Ҳайвон эгасининг манзили, Ф.И.Ш., хўжалик номи	Ҳайвон тури, жинси, ёши, туси, инв. номери, лақаби	Касал-ланган вақти	Ташхиси
биринчи марта	қайта келганда					бирламчи	ҳақиқий
1	2	3	4	5	6	7	8

Журналнинг чап саҳифаси

Клиник текширишлар. Қўшимча текширишлар. Даволаш ва тавсиялар	Оқибати, сана, ой, йил	Даволовчи врач имзоси
9	10	11

Журналнинг 1-графасига ҳайвонни бирламчи қабул қилгандаги рақами ёзилади. 2-графага ҳам шу ҳайвонга берилган биринчи рақам ёзилади. 3-графага ҳайвон қабул қилинган сана, 4-графага хўжалик, ҳайвон эгасининг исми, шарифи, манзили, 5-графага ҳайвонинг тури, зоти, жинси, туси, инв. рақами ва лақаби, 6-графага ҳайвоннинг касалланган вақти, 7-графага дастлабки ташхис, 8-графага ҳақиқий ташхис, 9-графага клиник ва қўшимча текширишлар натижалари, даволашга оид маълумотлар, қўлланилган дориларга рецептлар, ҳайвонни сақлаш ва озиқлантириш бўйича тавсиялар ёзилади. 10-графага касалликнинг оқибати (соғайди, харом ўлди, мажбуран сўйилди, бошқа гуруҳга ўтказилди), сана, ой ва йил, 11-графага даволовчи врачнинг имзоси қўйилади ва эслатмалар ёзилади.

“Ветеринария токсикологияси” фани бўйича амалиёт даврида талаба томонидан бажарилиши лозим бўлган тадбирлар

Фан бўйича амалиёт даврида қўйидагилар бажарилади:

- чорва моллари ва паррандаларининг заҳарланиш сабабларини ўрганиш;
- пестицидлардан заҳарланишларни аниқлаш;
- заҳарланишларнинг даволаш усуллари ва принциплари. Антидотлир билан даволаш;
- заҳарланишларнинг олдини олиш чораларини ўрганиш;
- ядохимикатлар билан ишлаш тартибини ўрганиш;
- заҳарланишлар пайтида лабораторияга патматериалларни юбориш тартибини ўрганиш;
- ветеринария ҳисоботлари ва бошқа ҳужжатлар асосида хўжаликда ҳайвонларнинг охирги 5 йил давомида заҳарланиши даражасини ўрганиш;
- минерал уғитлар, инсектицидлар, акарицидлар, дефолиянтлар ва десикантларни ҳисобга олиш, сақлаш ва ишлатиш мавсумларини аниқлаш;
- ветеринария врачларининг энтомолог-аграномлар билан минерал уғитларни сақлаш бўйича алоқаси;
Туман ва вилоят ветеринария лабораториясининг токсикология бўлими ишлари билан танишиш ва бевосита текширишларда иштирок этиш.