Ўзбекистон республикаси ветеринария ва чорвачиликни ривожлантириш давлат қЎмитаси

Патанотомик ўзгаришлар.
Ўткир заҳарланишда шиллиқ пардалар катарал яллиғланиши, паренхематоз органлар қонга тўлиши, бронхларда кўпик тўпланиши, ўпка шиши, жигар, буйраклар қон қуйилиши аниқланади.
Сурункали яллиғланишда ўпка ва ички органлар қон тўпланиши, жигар катталашади, талоқ катталашиши, буйраклар қонга тўлиши аниқланади.
Даволаш. Ҳайвонлар ХОБлар билан заҳарланганда биринчи ёрдам заҳарни қонга сўрилишини тўхтатиш. Агар заҳар ошқозон ва ичаклардан сўрилаётган бўлса қустирувчи дорилар, адсорбентлар, туз сургилари қўллаш керак. Теридан сўрилаётган бўлса 2-3% ли натрий гидрокарбонат эритмаси шимдирилган тампон билан тери ХОБлардан тозаланади.
Антидот йўқ. Шунинг учун симптоматик даволаш ишлари ўтказилади. Вена томирига натрий хлорни гепертоник эритмаси, 40 % ли глюкоза эритмаси, 10 % кальций хлор эритмаси 0,5-1 мг/кг дозада юборилади. Қалтирашларда ухлатувчи ва тинчлантирувчи дорилар қўлланилади. Жумладан, 7 % ли хлоралгидрат эритмасида венага отларга 100-200 мл, қорамолларга 50-75 мл. Майда ҳайвонларга барбитуратлар (фенилбарбитал 50 мг/кг, мединал 100 мг/кг) тавсия қилинади. Махсус антитоксик ва патогенетик таъсир сифатида заҳарланган ҳайвонларга метионин 25 мг/кг, глюгатион 100 мг/кг, витамин С 5 мг/кг, глюкоза билан бирга такрор юборилади.
Профилактика.
ХОБ лар билан заҳарланишларни олдини олишда комплекс чора-тадбирлар амалга оширилади.
-Ҳайвонларга бериладиган озуқалар, озуқавий қўшимчаларда ХОБларни қолдиқ миқдорлари доимий назорат қилиб борилади.
-ХОБлар ташилган транспортларда хавфсизлик чораларига эътибор қаратиш.
-ХОБ қўлланган мойдонлардан 21 кунгача ҳайвонларга озуқалар бермаслик керак.
-Ҳайвонлар озуқаларида ХОБларни рухсат берилган қолдиқ миқдорлари (ПДУ) қуйидагича: ДДТ-0,15 мг/кг, гептахлор- мумкин эмас, гексахлоран-0,05 мг/кг, дилор-0,1 мг/кг, полихлоркамфен-0,25 мг/кг.
-Гексахлоран ва ДДТ билан ҳайвонлар сурункали заҳарланганда гўшт ва ички органларда пестицидлар 9-10 ой сақланади ва гўшт сифати бузилади.