Шиш синдроми интерстициал суюқлик ҳажми катталашиши натижасида тўқималар қавариши. Шиш суюқлиги плазманинг транссудати ҳисобланади, у суюқликнинг томир ўзанидан интерстициал бўшлиққа ўтиши ошишида йиғилади

---

1 
ШИШ СИНДРОМИ 
Интерстициал суюқлик ҳажми катталашиши натижасида тўқималар 
қавариши. Шиш суюқлиги плазманинг транссудати ҳисобланади, у суюқликнинг 
томир ўзанидан интерстициал бўшлиққа ўтиши ошишида йиғилади. Шишнинг 
тўқималар бўйича тақсимланиши улар сабабини кўрсатиши мумкин.
Маҳаллий шиш маълум аъзо ёки томир ўзани қисмига боғланган, 
генерализацияланган шишдан осонгина фақланади. Қўл-оёқнинг алоҳида шиши 
одатда веноз или лимфатик етишмовчилик (чуқур веналар тромбози, бирламчи 
лимфатик шиш, ўсма натижасидаги оқиб кетиш бузилиши) билан боғлиқ. 
Оёқнинг фалажлигида шиш стаз оқибатида ривожланиши мумкин. Аллергик 
реакциялар (ангионевротик шиш) ва юқори ковак вена обструкцияси натижасида 
бўлиши мумкин. Оёқларнинг икки томонлама шиши ҳам маҳаллий сабабларга 
эга бўлиши мумкин; масалан, пастки ковак вена обструкцияси, унинг асцит ёки 
қорин бўшлиғидаги ўсма томонидан сиқилиши. Асцит (қорин бўшлиғидаги 
суюқлик) ва гидроторакс (плевра бўшлиғидаги суюқлик) яллиғланиш ёки ўсма 
ўсиши натижасида локал шиш каби намоён бўлиши мумкин.
Умумий (генерализацияланган) шиш – организмнинг ҳамма ёки кўпчилик 
тўқималаридаги шиш шунингдек, ўпка, мия шишлари.
Периорбитал шиш бемор уйғонганда қайд этилади, кўпинча буйрак 
зарарланиши ва натрий экскрецияси бузилиши билан чақирилади. Асцит, 
оёқларнинг ва ёрғоқнинг шиши кўпинча жигар циррозида ва сурункали юрак 
етишмовчилигида қайд этилади. Сурункали юрак етишмовчилигида юрак 
қисқариш ва қон айланишнинг дақиқалик ҳажми пасайиши буйракда қон оқими 
камайишига ва буйраклар томирлари спазми ҳисобига буйраклар томонидан 
натрий ушланиб қолишига, буйрак ичи қон оқими қайта тақсимланиши ва 
иккиламчи гиперальдостеронизмга сабаб бўлувчи веноз босим катталашишига 
олиб келади.