Ўзбекистон Республикаси Вазирлар Маҳкамасининг 1998 йил 27 июлда “Ўзбекистон Республикаси Фанлар академияси Тарих институти фаолиятини такомиллаштириш тўғрисида”ги қарорида ўзбек халқи ва унинг давлатчилиги тарихини холисона ўрганишнинг илмий асос-ларини

4-мавзу. ح Шаклидаги ҳарфлар. Шамсий ва қамарий ҳарфлар. 

ح шаклидаги ҳарфлар ҳарфлар тўртта бўлиб, шаклан ўхшаш, аммо нуқталарининг ўрни ва сони билан фарқланади.
1. ج(жим) ўзбек тилидаги жўжа сўзидаги ж ҳарфига тўғри келади. Иккала томондан келувчи ҳарфларга қўшиб ёзилади. Тўрт хил кўринишга эга: ( якка ҳолда, сўз бошида, сўз ўртасида, сўз охирида). Жим ҳарфида битта нуқта бўлиб, у нуқта ҳарфнинг барча кўринишларида тагига қўйилади.
Жим ҳарфининг якка ҳолда ҳамда сўз охиридаги шакллари сатр чизиғидан пастга тушириб ёзилади. Унинг нуқтаси эса, ҳарфнинг ҳамма кўринишларида сатр чизиғидан пастда бўлади.
2. چ(чим) араб алифбосига форслар томонидан киритилган ҳарфларнинг иккинчисидир. Ўзбек тилидаги ч ҳарфига мос келади. Ҳар иккала томондан келган ҳарфларга қўшиб ёзилади.Тўрт хил кўринишга эга. Чим ҳарфида учта нуқта бўлиб, улар ҳарфнинг ҳамма кўринишларида тагига қўйилади.
Чим ҳарфининг алоҳида ҳамда сўз охиридаги кўринишлари сатр чизиғидан пастга тушириб ёзилади. Ҳарфнинг нуқталари сатр чизиғидан пастга қўйилади.
3. ح(Ҳойи ҳуттий ёки ҳэ) ҳарфи ўзбек тилидаги ҳ товушига яқин келади. Бу ҳарф фақат араб тилидан ўтган сўзларда учрайди. Иккала томондан келувчи ҳарфларга қўшиб ёзилади. Тўрт хил кўринишга эга: (якка ҳолда, сўз бошида, сўз ўртасида, сўз охирида). У шу кўринишдаги ҳарфлардан нуқтасининг йўқлиги билан фарқланади.
4. Хе ҳарфи  خўзбек тилидаги х товушини ифодалайди. Тўрт хил кўриишга эга. Битта нуқтаси бўлиб, ҳарфнинг барча кўрнишларида устига қўйилади. 
Шамсий ва қамарий ҳарфлар.
Араб алфавитидаги ҳарфлар ўз табиатига кўра икки гуруҳга бўлинади.
Биринчи гуруҳ шамсий ҳарфлар (“қуёш ҳарфлари”) деб юритилиб, унга қуйидаги 14 ҳарф киради: ت، ث، د، ذ، ر، ز، س، ش، ص، ض، ط، ظ، ل، ن
Иккинчи гуруҳ қамарий ҳарфлар эса (“ой ҳарфлари”) деб аталади ва унга ҳам 14 ҳарф киради: ا، ب، ج، ح، خ، ع، غ، ف، ق، ک، م، و، ه، ی