Œзбекистон республикаси

УМУМИЙ ХУЛОСАЛАР

Касб таълими (Хизматлар соҳаси ва либос дизайни) таълим йўналишлари талабаларининг «Тикувчилик буюмларини конструкциялаш» фани бўйича касбий компетентлигини шакллантириш орқали рақобатбардош кадрларни тайёрлаш жараёни шу таълим йўналиши учун муҳим қадам бўлади. Ушбу таълим йўналишлари учун ёзилган мазкур услубий қўлланмада фан юзасидан олинган назарий ва амалий билимлар асосида талабаларнинг касбий компетентликларини шакллантиришга қаратилган вазифалар мазмунига ва шу вазифалар ечимини ҳал қилиш якунларига таянган ҳолда шундай хулосаларга келиш мумкин:

1. Касб таълими (Хизматлар соҳаси ва либос дизайни) таълим йўналишларида тайёрланаётган бўлажак ўқитувчиларининг касбий компетентлигини шакллантиришда педагогик ва касбий фанларнинг илғор ютуқларини қўллаш, уларни таълим жараёнига татбиқ этиш, мустақил таълимни амалиётга кенг жорий этиш, талабаларнинг билиш фаолиятларини режали бошқариш асосида фаоллаштириш, таълим самарадорлигини ошишига ёрдам берадиган психолого-педагогик шароитларни яратиш орқали эришилиши мумкин.
2. Касб таълими таълим йўналишлари талабаларининг ўқув режадаги ихтисослик фанлари блокидаги фанларнинг узвий алоқада ўрганишлари уларнинг бевосита касбий компетентлилигининг шаклланишида муҳим омил бўлиб хизмат қилади, яъни ҳар бир ихтисослик фанидан маъруза ва амалий машғулотларни олиб бориш жараёнида мутахассислик тушунчаларининг ўрни, уни баён қилиш зарурияти, кетма-кетлиги, бошқа тушунчалар билан алоқадорлиги, дарс жараёнида олинган билимлар мажмуини амалда ўз ўрнида қўллай олиши бунинг яққол далилидир.
3. Касб таълими (Хизматлар соҳаси ва либос дизайни) таълим йўналишларида тайёрланаётган касб таълими ўқитувчилари касбий компетентлилигини шаклланганлиги мазмун-моҳиятига кўра: функционал (назарий) билимлардан, уларни амалда қўллай олиш билимларидан ҳамда шахснинг ўз (ижодий) билимларидан иборат. Буларнинг натижасида бўлажак ўқитувчининг касбий ва амалий компетентлиги шаклланади, конструкциялаш, моделлаштириш ва тажрибавий вазифаларни ижобий ечиш имкониятлари пайдо бўлади.
4. Бўлажак касб таълими ўқитувчиларининг касбий компетентлигини шакллантиришда «Тикувчилик буюмларини конструкциялаш» фанини ўқитиш ва талабаларнинг бу фандан олган баҳоларининг объективлиги муҳим рол ўйнайди. Талабаларда касбий компетентликни шаклланганлигини баҳолашда уларнинг ихтисослик фани бўйича баҳолаш мезонлари ишлаб чиқилди ва бунда бир қатор кўрсаткичлар эътиборга олинди, яъни: ихтисослик фан мавзулари юзасидан хулоса ва қарор қабул қилиш; ижодий фикрлай олиш; мустақил мушоҳада юрита олиш; фан мавзусининг моҳиятини тушуниш; билиш, айтиб бериш; тасаввурга эга бўлиш ва ҳоказолар.
Бу ихтисослик фани бўйича баҳолаш мезонларининг ҳаққонилиги талаба-нинг касбий компетентлигини нечоғли тўғри шаклланганлигини кўрсатиб беради.